ਮੁੰਬਈ ,16 ਮਈ (ਪੰਜਾਬੀ ਟਾਈਮਜ਼ ਬਿਊਰੋ ) : ਫਿਲਮਸਾਜ਼ ਦਿਨੇਸ਼ ਵਿਜਨ ਦੀ ਨਵੀਂ ਫਿਲਮ ਪ੍ਰੇਮ ਕਥਾ ’ਤੇ ਆਧਾਰਿਤ ਹੋਵੇਗੀ। ਫਿਲਮ ’ਚ ਡਾਇਨਾ ਪੈਂਟੀ, ਰਾਧਿਕਾ ਆਪਟੇ, ਸਨੀ ਕੌਸ਼ਲ ਅਤੇ ਮੋਹਿਤ ਰੈਣਾ ਮੁੱਖ ਭੂਮਿਕਾਵਾਂ ’ਚ ਨਜ਼ਰ ਆਉਣਗੇ। ਫਿਲਮ ਦੀ ਸ਼ੂਟਿੰਗ ਪੰਜਾਬ, ਪੈਰਿਸ ਅਤੇ ਲੰਡਨ ’ਚ ਕੀਤੀ ਜਾਵੇਗੀ। ‘ਹਿੰਦੀ ਮੀਡੀਅਮ’, ‘ਸਤ੍ਰੀ’ ਅਤੇ ‘ਲੁੱਕਾ ਛੁਪੀ’ ਜਿਹੀਆਂ ਫਿਲਮਾਂ ਬਣਾ ਚੁੱਕੇ ਵਿਜਨ ਦੀ ਆਉਣ ਵਾਲੀ ਫਿਲਮ ਦਾ ਨਾਮ ‘ਸ਼ਿੱਦਤ: ਜਰਨੀ ਬਿਓਂਡ ਲਵ’ ਹੋਵੇਗਾ।

ਕਾਨ ,16 ਮਈ (ਪੰਜਾਬੀ ਟਾਈਮਜ਼ ਬਿਊਰੋ ) : ਗੀਤਕਾਰ ਅਤੇ ਕੇਂਦਰੀ ਫਿਲਮ ਸਰਟੀਫਿਕੇਸ਼ਨ ਬੋਰਡ (ਸੀਬੀਐਫਸੀ) ਦੇ ਮੁਖੀ ਪ੍ਰਸੂਨ ਜੋਸ਼ੀ ਨੇ ਕਿਹਾ ਹੈ ਕਿ ਭਾਰਤ ਨੂੰ ਕਾਨ ਫਿਲਮ ਮੇਲੇ ’ਚ ਆਪਣੀ ਰਚਨਾਤਮਕ ਹਾਜ਼ਰੀ ਦਰਜ ਕਰਾਉਣ ਦੀ ਲੋੜ ਹੈ।

ਮੁੰਬਈ ,16 ਮਈ (ਪੰਜਾਬੀ ਟਾਈਮਜ਼ ਬਿਊਰੋ ) : ਅਦਾਕਾਰਾ ਪ੍ਰਿਯੰਕਾ ਚੋਪੜਾ ਜੋਨਸ ਦੇ ਇੰਸਟਾਗ੍ਰਾਮ ’ਤੇ ਪ੍ਰਸ਼ੰਸਕਾਂ ਦੀ ਗਿਣਤੀ 4 ਕਰੋੜ ਤੋਂ ਵੱਧ ਹੋ ਗਈ ਹੈ। ਪ੍ਰਿਯੰਕਾ ਨੇ ਆਪਣੀ ਤਸਵੀਰ ਸਾਂਝੀ ਕਰਦਿਆਂ ਆਪਣੇ ਪ੍ਰਸ਼ੰਸਕਾਂ ਦਾ ਦਿਲੋਂ ਧੰਨਵਾਦ ਕੀਤਾ ਹੈ ਅਤੇ ਹਮਸਫ਼ਰ ਬਣਨ ਲਈ ਹਰੇਕ ਨੂੰ ਪਿਆਰ ਭੇਜਿਆ ਹੈ।

ਨਿਊਯਾਰਕ ,16 ਮਈ (ਪੰਜਾਬੀ ਟਾਈਮਜ਼ ਬਿਊਰੋ ) : ਅਮਰੀਕਾ ’ਚ ਜਨਮ ਦਿਨ ਮਨਾਉਣ ਪੁੱਜੇ ਅਦਾਕਾਰ ਵਿੱਕੀ ਕੌਸ਼ਲ ਨੇ ਇਥੇ ਉਘੇ ਅਦਾਕਾਰ ਰਿਸ਼ੀ ਕਪੂਰ ਅਤੇ ਉਨ੍ਹਾਂ ਦੀ ਪਤਨੀ ਨੀਤੂ ਕਪੂਰ ਨਾਲ ਮੁਲਾਕਾਤ ਕੀਤੀ। ‘ਮਸਾਨ’ ਅਦਾਕਾਰ ਦੀਆਂ ਕਪੂਰ ਜੋੜੇ ਨਾਲ ਖਿੱਚੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੀਆਂ ਹਨ। ਜ਼ਿਕਰਯੋਗ ਹੈ ਕਿ ਰਿਸ਼ੀ ਕਪੂਰ ਇਲਾਜ ਲਈ ਨਿਊਯਾਰਕ ਆਏ ਹੋਏ ਹਨ। ਪਿਛਲੇ ਮਹੀਨੇ ਉਨ੍ਹਾਂ ਦੇ ਭਰਾ ਰਣਧੀਰ ਕਪੂਰ ਨੇ ਕਿਹਾ ਸੀ

ਚੰਡੀਗੜ੍ਹ, 25 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਪੀਟੀਸੀ ਵਲੋਂ ਦਿਖਾਈਆਂ ਜਾ ਰਹੀਆਂ ਛੋਟੀਆਂ ਫਿਲਮਾਂ ਦੀ ਲੜੀ ਤਹਿਤ ਅੱਜ ਸ਼ਾਮ 8 ਵਜੇ ਦਵੀ ਦਵਿੰਦਰ ਕੌਰ ਵਲੋਂ ਲਿਖੀ ਕਹਾਣੀ ’ਤੇ ਅਧਾਰਿਤ ਫ਼ਿਲਮ ‘ਇਤਫਾਕ’ ਦਿਖਾਈ ਜਾਵੇਗੀ, ਜਿਸਦਾ ਨਿਰਦੇਸ਼ਨ ਤੇ ਸੰਪਾਦਨ ਰਾਜੇਸ਼ ਭਾਟੀਆ ਵਲੋਂ ਕੀਤਾ ਗਿਆ ਹੈ।

ਮੁੰਬਈ, 25 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਅਦਾਕਾਰ ਅਰਬਾਜ਼ ਖ਼ਾਨ ਨੇ ਕਿਹਾ ਕਿ ਫ਼ਿਲਮ ਜਗਤ ਵਿੱਚ ਉਨ੍ਹਾਂ ਨੂੰ ਸਲਮਾਨ ਖ਼ਾਨ ਕਰਕੇ ਕੰਮ ਨਹੀਂ ਮਿਲਦਾ ਬਲਕਿ ਸਖ਼ਤ ਮਿਹਨਤ ਦੀ ਬਦੌਲਤ ਉਨ੍ਹਾਂ ਨੇ ਫ਼ਿਲਮ ਇੰਡਸਟਰੀ ’ਚ ਥਾਂ ਬਣਾਈ ਹੈ। ਅਰਬਾਜ਼ ਨੇ ਇਸ ਖ਼ਬਰ ਏਜੰਸੀ ਨਾਲ ਗੱਲਬਾਤ ਕਰਦਿਆਂ ਕਿਹਾ, ‘ਮੈਂ ਹੁਣ ਤਕ 70 ਫ਼ਿਲਮਾਂ ਕੀਤੀਆਂ ਹਨ। ਇੰਡਸਟਰੀ ਵਿੱਚ ਅਜਿਹੇ ਵੀ ਲੋਕ ਹਨ, ਜਿਨ੍ਹਾਂ ਨੂੰ ਦੋ ਫ਼ਿਲਮਾਂ ਮਗਰੋਂ ਕੰਮ ਨਹੀਂ ਮਿਲਦਾ।

ਮੁੰਬਈ, 25 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਅਦਾਕਾਰਾ ਪਰਿਨੀਤੀ ਚੋਪੜਾ ਹੌਲੀਵੁੱਡ ਦੀ ਥ੍ਰਿਲਰ ਫ਼ਿਲਮ ‘ਦਿ ਗਰਲ ਆਨ ਦਿ ਟਰੇਨ’ ਦੇ ਹਿੰਦੀ ਰੀਮੇਕ ਵਿੱਚ ਨਜ਼ਰ ਆਏਗੀ। ਫ਼ਿਲਮ ਦੇ ਨਿਰਮਾਤਾਵਾਂ ਨੇ ਅੱਜ ਇਹ ਜਾਣਕਾਰੀ ਦਿੱਤੀ। ਪਰਿਨੀਤੀ ਫ਼ਿਲਮ ਵਿੱਚ ਨਸ਼ੇ ਦੀ ਆਦੀ ਤਲਾਕਸ਼ੁਦਾ ਮਹਿਲਾ ਦਾ ਕਿਰਦਾਰ ਨਿਭਾਏਗੀ, ਜੋ ਇਕ ਗੁੰਮਸ਼ੁਦਾ ਵਿਅਕਤੀ ਦੀ ਜਾਂਚ ਦੇ ਕੰਮ ਵਿੱਚ ਸ਼ਾਮਲ ਹੈ। ਹੌਲੀਵੁੱਡ ਵਿੱਚ ਇਸ ਕਿਰਦਾਰ ਨੂੰ ਐਮਿਲੀ ਬਲੰਟ ਨੇ ਸਾਕਾਰ ਕੀਤਾ ਸੀ। 

ਮੁੰਬਈ, 25 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਅਦਾਕਾਰਾ ਸਾਰਾ ਅਲੀ ਖ਼ਾਨ ‘ਕੁਲੀ ਨੰਬਰ ਵਨ’ ਫ਼ਿਲਮ ਦੇ ਰੀਮੇਕ ਵਿੱਚ ਵਰੁਣ ਧਵਨ ਨਾਲ ਕੰਮ ਕਰੇਗੀ। ਪਿਛਲੇ ਸਾਲ ਫ਼ਿਲਮ ‘ਕੇਦਾਰਨਾਥ’ ਨਾਲ ਆਪਣੇ ਕਰੀਅਰ ਦਾ ਆਗਾਜ਼ ਕਰਨ ਵਾਲੀ ਸਾਰਾ ਬਾਰੇ ਅਜਿਹੇ ਕਿਆਸ ਲਾਏ ਜਾ ਰਹੇ ਸਨ ਕਿ ਉਹ ਹਿਟ ਕਾਮੇਡੀ ਦੇ ਇਸ ਨਵੇਂ ਰੂਪ ਵਿੱਚ ਵਰੁਣ ਧਵਨ ਨਾਲ ਮੁੱਖ ਅਦਾਕਾਰਾ ਦੀ ਭੂਮਿਕਾ ਵਿੱਚ ਨਜ਼ਰ ਆਏਗੀ। ਅਸਲੀ ‘ਕੁਲੀ ਨੰਬਰ ਵਨ’ ਵਿੱਚ ਗੋਵਿੰਦਾ ਤੇ ਕ੍ਰਿਸ਼ਮਾ ਕਪੂਰ ਮੁੱਖ ਭੂਮਿਕਾ ਵਿੱਚ ਸਨ। ਨਵੀਂ ਫ਼ਿਲਮ ਦਾ ਨਿਰਦੇਸ਼ਨ ਵੀ ਫਿਲਮਸਾਜ਼ ਡੇਵਿਡ ਧਵਨ ਹੱਥ ਰਹੇਗਾ। 1

ਮੁੰਬਈ,18 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਅਦਾਕਾਰ ਆਦਿੱਤਿਆ ਰੌਇ ਕਪੂਰ ਦਾ ਕਹਿਣਾ ਹੈ ਕਿ ਉਹ ਸਬੱਬ ਨਾਲ ਹੀ ਅਦਾਕਾਰ ਬਣ ਗਿਆ। ਕਲਾਕਾਰਾਂ ਦੇ ਪਰਿਵਾਰ ਨਾਲ ਸਬੰਧ ਰੱਖਣ ਦੇ ਬਾਵਜੂਦ ਉਹ ਅਦਾਕਾਰ ਨਹੀਂ ਬਣਨਾ ਚਾਹੁੰਦਾ ਸੀ।

ਮੁੰਬਈ,18 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ‘ਅੰਧਾਧੁਨ’ ਸਟਾਰ ਆਯੂਸ਼ਮਾਨ ਖੁਰਾਨਾ ਚੀਨ ਵਿੱਚ ਫਿਲਮ ਦੀ 200 ਕਰੋੜ ਤੋਂ ਵਧ ਦੀ ਕਮਾਈ ਤੋਂ ਖੁਸ਼ ਹਨ। ਉਨ੍ਹਾਂ ਕਿਹਾ ਕਿ ਇਹ ਪ੍ਰਾਪਤੀ ਉਨ੍ਹਾਂ ਲਈ ਹਮੇਸ਼ਾ ‘ਯਾਦਗਾਰ’ ਰਹੇਗੀ। ਸ੍ਰੀਰਾਮ ਰਾਘਵਨ ਦੇ ਨਿਰਦੇਸ਼ਨ ਵਾਲੀ ਥ੍ਰਿਲਰ ਡਰਾਮਾ ਫਿਲਮ ਵਿੱਚ ਆਯੂਸ਼ਮਾਨ, ਤੱਬੂ ਅਤੇ ਰਾਧਿਕਾ ਆਪਟੇ ਨੇ ਮੁੱਖ ਭੂਮਿਕਾਵਾਂ ਨਿਭਾਈਆਂ ਹਨ। ਚੀਨ ਵਿੱਚ ਇਹ ਫਿਲਮ ‘ਪਿਆਨੋ ਪਲੇਅਰ’ ਦੇ ਨਾਂ ਨਾਲ 3 ਅਪਰੈਲ ਨੂੰ ਰਿਲੀਜ਼ ਹੋਈ ਸੀ। ਆਯੂਸ਼ਮਾਨ ਨੇ ਇਕ ਬਿਆਨ ਵਿੱਚ ਕਿਹਾ,

ਮੁੰਬਈ,14 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਬੌਲੀਵੁੱਡ ਅਦਾਕਾਰਾ ਸੋਨਾਲੀ ਬੇਂਦਰੇ ਨੇ ਕਿਹਾ ਕਿ ਕੈਂਸਰ ਦਾ ਜਲਦੀ ਹੀ ਪਤਾ ਲੱਗ ਜਾਣਾ ਅਤੇ ਬਿਮਾਰੀ ਬਾਰੇ ਜਾਗਰੂਕਤਾ ਫੈਲਾਉਣੀ ਬਹੁਤ ਜ਼ਰੂਰੀ ਹੈ। ਜ਼ਿਕਰਯੋਗ ਹੈ ਕਿ ਪਿਛਲੇ ਸਾਲ ਪਤਾ ਲੱਗਾ ਸੀ ਕਿ ਸੋਨਾਲੀ ਨੂੰ ਹਾਈ ਗਰੇਡ ਕੈਂਸਰ ਹੈ। 

ਮੁੰਬਈ,14 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਫਿਲਮ ਅਦਾਕਾਰਾ ਮਾਧੁਰੀ ਦੀਕਸ਼ਿਤ ਨੇਨੇ ਨੇ ਕਿਹਾ ਕਿ ਉਹ ਉਮਰ ਸਬੰਧੀ ਰੂੜੀਵਾਦੀ ਧਾਰਨਾ ’ਚ ਯਕੀਨ ਨਹੀਂ ਕਰਦੀ ਅਤੇ ਉਹ ਫਿਲਮਾਂ ’ਚ ਅਜਿਹੀਆਂ ਭੂਮਿਕਾਵਾਂ ਕਰਨਾ ਚਾਹੁੰਦੀ ਹੈ ਜਿਨ੍ਹਾਂ ਰਾਹੀਂ ਉਸ ਨੂੰ ਕੁਝ ਵਿਲੱਖਣ ਕਰਨ ਦਾ ਮੌਕਾ ਮਿਲੇ। ਇਸ ਅਭਿਨੇਤਰੀ ਨੇ ਹੁਣ ਤੱਕ ਬੌਲੀਵੁੱਡ ਵਿੱਚ ਰਾਮ ਲਖਨ, ਤੇਜ਼ਾਬ, ਦਿਲ, ਹਮ ਆਪਕੇ ਹੈਂ ਕੌਣ, ਮ੍ਰਿਤਯੂਦੰਡ, ਪੁਕਾਰ ਅਤੇ ਦੇਵਦਾਸ ਵਰਗੀਆਂ ਫਿਲਮਾਂ ’ਚ ਵੱਖ ਵੱਖ ਭੂਮਿਕਾਵਾਂ ਨਿਭਾਅ ਕੇ ਆਪਣੀ ਕਲਾ ਦਾ ਲੋਹਾ ਮਨਵਾਇਆ ਹੈ।

ਮੁੰਬਈ,14 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਟੈਲੀਵਿਜ਼ਨ ਦੇ ਮਸ਼ਹੂਰ ਸੀਰੀਅਲ ‘ਫੌਜੀ’ ਦੇ ਨਿਰਦੇਸ਼ਕ ਕਰਨਲ ਰਾਜ ਕੁਮਾਰ ਕਪੂਰ ਦੇ ਦੇਹਾਂਤ ਮਗਰੋਂ ਅਦਾਕਾਰ ਸ਼ਾਹਰੁਖ ਖਾਨ ਨੇ ਦੁੱਖ ਦਾ ਇਜ਼ਹਾਰ ਕੀਤਾ ਹੈ। ਸ੍ਰੀ ਕਪੂਰ 87 ਵਰ੍ਹਿਆਂ ਦੇ ਸਨ। ਉਨ੍ਹਾਂ ਦਾ ਦੇਹਾਂਤ ਬੁਢਾਪੇ ਨਾਲ ਸਬੰਧਤ ਬਿਮਾਰੀਆਂ ਕਾਰਨ ਹੋਇਆ। ਸ਼ਮਸ਼ਾਨਘਾਟ ਵਿੱਚ ਉਨ੍ਹਾਂ ਦਾ ਸਸਕਾਰ ਕੀਤਾ ਗਿਆ।

ਮੁੰਬਈ,14 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਮੈਗਾਸਟਾਰ ਅਮਿਤਾਭ ਬੱਚਨ ਤੇ ਇਮਰਾਨ ਹਾਸ਼ਮੀ ਜਲਦੀ ਹੀ ਇਕ ਮਨੋਵਿਗਿਆਨਕ ਥ੍ਰਿਲਰ ਵਿੱਚ ਇਕੱਠਿਆਂ ’ਚ ਨਜ਼ਰ ਆਉਣਗੇ। ਇਸ ਫ਼ਿਲਮ ਦੇ ਨਿਰਮਾਤਾ ਆਨੰਦ ਪੰਡਿਤ ਤੇ ਡਾਇਰੈਕਟਰ ਰੂਮੀ ਜਾਫ਼ਰੀ ਹੋਣਗੇ। ਪੰਡਿਤ ਨੇ ਇਕ ਬਿਆਨ ’ਚ ਕਿਹਾ, ‘ਬੱਚਨ ਸਾਹਿਬ ਨਾਲ ਮੇਰੀ ਦੋਸਤੀ ਦੋ ਦਹਾਕਿਆਂ ਪੁਰਾਣੀ ਹੈ। ਮੈਂ ਉਨ੍ਹਾਂ ਦੇ ਮੇਚ ਦਾ ਹੁਨਰ ਤੇ ਸਮਰਪਣ ਭਾਵਨਾ ਹੋਰ ਕਿਸੇ ਕਲਾਕਾਰ ’ਚ ਨਜ਼ਰ ਨਹੀਂ ਆਈ।

ਮੈਲਬਰਨ,11 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਵੈਸਟਇੰਡੀਜ਼ ਦੇ ਆਪਣੇ ਜ਼ਮਾਨੇ ਦੇ ਉੱਘੇ ਤੇਜ਼ ਗੇਂਦਬਾਜ਼ ਕਰਟਲੀ ਐਂਬਰੋਜ਼ ਦਾ ਮੰਨਣਾ ਹੈ ਕਿ ਆਸਟਰੇਲੀਆਈ ਸਟੀਵ ਸਮਿੱਥ ਅਤੇ ਡੇਵਿਡ ਵਾਰਨਰ ਸੰਗੀਨ ਅਪਰਾਧ ਕਰਕੇ ਵੀ ਬਚ ਗਏ ਅਤੇ ਉਨ੍ਹਾਂ ’ਤੇ ਗੇਂਦ ਨਾਲ ਛੇੜਛਾੜ ਦੇ ਮਾਮਲੇ ਵਿੱਚ ਦੋ ਸਾਲ ਦੀ ਪਾਬੰਦੀ ਲੱਗਣੀ ਚਾਹੀਦੀ ਸੀ।
ਸਾਬਕਾ ਕਪਤਾਨ ਸਮਿੱਥ ਅਤੇ ਉਸ ਨਾਲ ਉਪ ਕਪਤਾਨ ਰਹੇ ਵਾਰਨਰ ’ਤੇ ਕਿ੍ਕਟ ਆਸਟਰੇਲੀਆ ਨੇ ਪਿਛਲੇ ਸਾਲ ਮਾਰਚ ਵਿੱਚ ਦੱਖਣੀ ਅਫ਼ਰੀਕਾ ਦੇ ਖ਼ਿਲਾਫ਼ ਕੇਪਟਾਊਨ ਵਿੱਚ ਤੀਜੇ ਟੈਸਟ ਮੈਚ ਦੌਰਾਨ ਗੇਂਦ ਨਾਲ ਛੇੜਛਾੜ ਵਿੱਚ ਭੂਮਿਕਾ ਲਈ ਇਕ ਸਾਲ ਦੀ ਪਾਬੰਦੀ ਲਗਾਈ ਸੀ।

ਲੁਧਿਆਣਾ,11 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਗੁਰੂ ਨਾਨਕ ਸਟੇਡੀਅਮ ਲੁਧਿਆਣਾ ’ਚ ਸੰਤੋਸ਼ ਟਰਾਫੀ ਲਈ ਸਵੇਰ ਸਮੇਂ ਹੋਏ ਇੱਕ ਮੈਚ ’ਚ ਕਰਨਾਟਕ ਨੇ ਸਿੱਕਿਮ ਦੀ ਟੀਮ ਨੂੰ 2-0 ਨਾਲ ਹਾਰ ਦਿੱਤੀ ਜਦਕਿ ਦੂਜੇ ਮੈਚ ਵਿੱਚ ਅਸਾਮ ਨੇ ਮਹਾਰਾਸ਼ਟਰ ਨੂੰ 3-2 ਨਾਲ ਪਛਾੜਿਆ। ਦੂਜੇ ਪਾਸੇ ਲੁਧਿਆਣਾ ’ਚ ਸੰਤੋਸ਼ ਟਰਾਫੀ ਲਈ 8 ਅਪਰੈਲ ਤੋਂ ਅੱਜ ਤੱਕ ਹੋਏ 8 ਮੁਕਾਬਲਿਆਂ ’ਚ ਸਿਰਫ 2000 ਦੇ ਕਰੀਬ ਹੀ ਦਰਸ਼ਕ ਦੇਖਣ ਪਹੁੰਚੇ।
ਕੌਮੀ ਪੱਧਰ ਦੀਆਂ ਫੁਟਬਾਲ ਟੀਮਾਂ ਦੇ ਲੁਧਿਆਣਾ ਵਿੱਚ ਹੋ ਰਹੇ ਭੇੜ ਨੂੰ ਦੇਖਣ ਲਈ ਦਰਸ਼ਕਾਂ ਦੀ ਕਮੀ ਨਾਲ ਪ੍ਰਬੰਧਕਾਂ ਅਤੇ ਖਿਡਾਰੀਆਂ ਦਾ ਕਥਿਤ ਤੌਰ ’ਤੇ ਹੌਸਲਾ ਪਸਤ ਹੈ।

ਮੁੰਬਈ,11 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਧਮਾਕਾਖੇਜ਼ ਬੱਲੇਬਾਜ਼ ਕਿ੍ਸ ਗੇਲ ਦੇ ਬੁੱਧਵਾਰ ਨੂੰ ਇਥੇ ਮੁੰਬਈ ਖ਼ਿਲਾਫ਼ ਆਈਪੀਐਲ ਮੈਚ ਦੌਰਾਨ ਪਿੱਠ ਵਿੱਚ ਜਕੜਨ ਹੋਣ ਕਾਰਨ ਕਿੰਗਜ਼ ਇਲੈਵਨ ਪੰਜਾਬ ਦੀ ਪ੍ਰੇਸ਼ਾਨੀ ਵਧ ਗਈ ਹੈ ਜਿਸ ਨਾਲ ਆਖ਼ਰੀ ਗੇਂਦ ਤਕ ਖਿੱਚੇ ਇਸ ਮੈਚ ਵਿੱਚ ਤਿੰਨ ਵਿਕਟ ਨਾਲ ਹਾਰ ਝੱਲਣੀ ਪਈ ਸੀ। ਪੰਜਾਬ ਦੇ ਕਪਤਾਨ ਰਵੀਚੰਦਰਨ ਅਸ਼ਵਿਨ ਨੇ ਮੈਚ ਤੋਂ ਬਾਅਦ ਕਿਹਾ, ‘‘ਉਸ (ਗੇਲ) ਨੇ ਦੱਸਿਆ ਕਿ ਉਸ ਦੀ ਪਿੱਠ ਵਿੱਚ ਦਰਦ ਹੈ।

ਨਵੀਂ ਦਿੱਲੀ,11 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਰਿਓ ਓਲੰਪਿਕ ਦੀ ਚਾਂਦੀ ਦਾ ਤਗਮਾ ਜੇਤੂ ਦੀਪਾ ਮਲਿਕ ਨੂੰ ਵੀਰਵਾਰ ਨੂੰ ਉਸ ਦੀ ਪ੍ਰੇਰਣਾਦਾਇਕ ਪ੍ਰਾਪਤੀ ਲਈ ਨਿਊਜ਼ੀਲੈਂਡ ਦੇ ਪ੍ਰਧਾਨ ਮੰਤਰੀ ਵੱਲੋਂ ਸਰ ਐਡਮੰਡ ਫੈਲੋਸ਼ਿਪ 2019 ਲਈ ਚੁਣਿਆ ਗਿਆ। ਰਿਓ ਓਲੰਪਿਕ 2016 ਵਿੱਚ ਗੋਲਾ ਸੁੱਟਣ ਦੀ ਐਡ 53 ਮੁਕਾਬਲੇ ਵਿੱਚ ਚਾਂਦੀ ਦਾ ਤਗਮਾ ਜਿੱਛ ਵਾਲੀ 48 ਸਾਲਾ ਦੀਪਾ ਭਾਰਤ ਅਤੇ ਨਿਊਜ਼ੀਲੈਂਡ ਵਿੱਚ ਖੇਡ, ਸੰਸਕਿ੍ਤੀ ਅਤੇ ਲੋਕਾਂ ਵਿੱਚ ਆਪਸੀ ਸਬੰਧ ਗੁੂੜ੍ਹੇ ਕਰਨ ਲਈ ਕੰਮ ਕਰੇਗੀ।

ਉਦੇਪੁਰ,5 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਅਦਾਕਾਰ ਇਰਫ਼ਾਨ ਖ਼ਾਨ, ਜਿਸ ਨੂੰ ਪਿਛਲੇ ਸਾਲ ਦਿਮਾਗ ਦਾ ਕੈਂਸਰ ਡਾਇਗਨੋਸ ਹੋਇਆ ਸੀ, ਹੁਣ ਫ਼ਿਲਮ ਦੇ ਸੈੱਟ ’ਤੇ ਪਰਤ ਆਇਆ ਹੈ। ਅਦਾਕਾਰ ਨੇ ਅੱਜ ਤੋਂ ਉਦੇਪੁਰ ’ਚ ਫ਼ਿਲਮ ‘ਅੰਗਰੇਜ਼ੀ ਮੀਡੀਅਮ’ ਦੀ ਸ਼ੂਟਿੰਗ ਆਰੰਭ ਦਿੱਤੀ ਹੈ। ਇਰਫ਼ਾਨ ਦੀ ਇਹ ਨਵੀਂ ਫ਼ਿਲਮ ਸਾਲ 2017 ਵਿੱਚ ਰਿਲੀਜ਼ ਹੋਈ ਫ਼ਿਲਮ ‘ਹਿੰਦੀ ਮੀਡੀਅਮ’ ਦਾ ਹੀ ਸਿਕੁਇਲ ਹੋਵੇਗੀ। ਹਫ਼ਤੇ ਦੀ ਸ਼ੁਰੂਆਤ ’ਚ ਅਦਾਕਾਰ ਨੂੰ ਮੁੰਬਈ ਹਵਾਈ ਅੱਡੇ ’ਤੇ ਵੇਖਿਆ ਗਿਆ ਸੀ ਤੇ ਉਦੋਂ ਤੋਂ ਹੀ ਉਹਦੀ ਫ਼ਿਲਮੀ ਪਰਦੇ ’ਤੇ ਵਾਪਸੀ ਦੀਆਂ ਅਫ਼ਵਾਹਾਂ ਦਾ ਬਾਜ਼ਾਰ ਗਰਮ ਹੈ। ਨਿਰਮਾਤਾ ਦਿਨੇਸ਼ ਵਿਜਨ ਨੇ ਅੱਜ ਇਕ ਤਸਵੀਰ ਜਾਰੀ ਕਰਦਿਆਂ ਇਰਫ਼ਾਨ ਦੀ ਸੈੱਟ ’ਤੇ ਵਾਪਸੀ ਦੀ ਪੁਸ਼ਟੀ ਕੀਤੀ ਹੈ। ਤਸਵੀਰ ਵਿੱਚ ਵਿਜਨ, ਫ਼ਿਲਮਸਾਜ਼ ਹੋਮੀ ਅਦਜਾਨੀਆ, ਅਦਾਕਾਰ ਦੀਪਕ ਡੋਬਰਿਆਲ, ਸਿਨੇਮਾਟੋਗ੍ਰਾਫ਼ਰ ਅਨਿਲ ਮਹਿਤਾ ਤੇ ਇਰਫ਼ਾਨ ਇਕੱਠਿਆਂ ਨਜ਼ਰ ਆ ਰਹੇ ਹਨ।

ਮੁੰਬਈ,5 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਬੌਲੀਵੁੱਡ ਅਦਾਕਾਰਾ ਸੋਨਾਕਸ਼ੀ ਸਿਨਹਾ ਨੇ ਆਪਣੀ ਨਵੀਂ ਫਿਲਮ ‘ਦਬੰਗ 3’ ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ। ਐਕਸ਼ਨ ਫਿਲਮਾਂ ਦੀ ਲੜੀ ’ਚ ਰੱਜੋ ਦੀ ਭੂਮਿਕਾ ਨਿਭਾਅ ਰਹੀ ਇਸ 31 ਸਾਲਾ ਅਭਿਨੇਤਰੀ ਨੇ ਟਵਿੱਟਰ ’ਤੇ ਇਸ ਦੀ ਸੂਚਨਾ ਦਿੱਤੀ ਹੈ।