ਲੇਖਕ

ਪੰਜਾਬੀ ਸੱਭਿਆਚਾਰ

ਰਸੋਈ ਘਰ

ਅਕਾਲ ਤਖਤ ਅਤੇ ਜਥੇਦਾਰ

ਚਰਨਜੀਤ ਸਿੰਘ ਬਲ

ਮਲਹਾਰ ਸਿੰਘ ਜਰਮਨੀ

ਜਤਿੰਦਰ ਪੰਨੂ

ਦੇ ਲੇਖ ਪੜਨ ਲਈ ਕਲਿੱਕ ਕਰੋ

ਸੁਰਜੀਤ ਪਾਤਰ

ਦੇ ਲੇਖ ਪੜਨ ਲਈ ਕਲਿੱਕ ਕਰੋ

ਇਕਬਾਲ ਰਾਮੂਵਾਲੀਆ

ਦੇ ਲੇਖ ਪੜਨ ਲਈ ਇਥੇ ਕਲਿੱਕ ਕਰੋ

ਉਜਾਗਰ ਸਿੰਘ

ਦੇ ਲੇਖ ਪੜਨ ਲਈ ਇਥੇ ਕਲਿੱਕ ਕਰੋ

ਤਰਲੋਚਨ ਸਿੰਘ ਦੁਪਾਲਪੁਰੀ

ਦੇ ਲੇਖ ਪੜਨ ਲਈ ਇਥੇ ਕਲਿੱਕ ਕਰੋ

ਅੰਜੂਜੀਤ ਸ਼ਰਮਾ

ਦੇ ਲੇਖ ਪੜਨ ਲਈ ਇਥੇ ਕਲਿੱਕ ਕਰੋ

ਡਾ.ਮਲਕੀਅਤ ਸਿੰਘ ਸੁਹਲ

ਦੇ ਲੇਖ ਪੜਨ ਲਈ ਇਥੇ ਕਲਿੱਕ ਕਰੋ

ਸ:ਰਵੇਲ ਸਿੰਘ ਇਟਲੀ

ਦੇ ਲੇਖ ਪੜਨ ਲਈ ਇਥੇ ਕਲਿੱਕ ਕਰੋ

ਐਸ ਸੁਰਿੰਦਰ ਇਟਲੀ

ਦੇ ਲੇਖ ਪੜਨ ਲਈ ਇਥੇ ਕਲਿੱਕ ਕਰੋ

ਸ:ਧਿਆਨ ਸਿੰਘ ਰਾਏ

ਦੇ ਲੇਖ ਪੜਨ ਲਈ ਇਥੇ ਕਲਿੱਕ ਕਰੋ

ਇੰਦਰ ਜੀਤ ਸਿੰਘ ਬੇਕਸ ਕਲੋਨ (ਜਰਮਨੀ)

ਦੇ ਲੇਖ ਪੜਨ ਲਈ ਇਥੇ ਕਲਿੱਕ ਕਰੋ

ਇਕਵਾਕ ਸਿੰਘ ਪੱਟੀ

ਦੇ ਲੇਖ ਪੜਨ ਲਈ ਇਥੇ ਕਲਿੱਕ ਕਰੋ

ਨਰਿੰਦਰ ਸਿੰੰਘ ਸੰਧੁ ਬਟਾਲਾਵੀ

ਕੁਲਵੰਤ ਸਿੰਘ ਕਾਵੈਂਟਰੀ, ਯੂ ਕੇ

 
 
 
 
ਮਨੌਰੰਜਨ

ਭਾਰਤੀ ਫ਼ਿਲਮਾਂ ਦਾ ਪਹਿਲਾ ਜੁਬਲੀ ਸਟਾਰ

November 02, 2018 06:47 AM

ਮੁੰਬਈ ,1 ਨਵੰਬਰ (ਪੰਜਾਬੀ ਟਾਈਮਜ਼ ਬਿਊਰੋ ) : ਪੰਜਾਬੀ ਸਿਨਮਾ ਤੋਂ ਆਪਣੇ ਫ਼ਿਲਮੀ ਸਫ਼ਰ ਦਾ ਆਗਾਜ਼ ਕਰਨ ਵਾਲੇ ਅਦਾਕਾਰ ਅਤੇ ਗੁਲੂਕਾਰ ਕਰਨ ਦੀਵਾਨ ਦੀ ਪੈਦਾਇਸ਼ 6 ਨਵੰਬਰ 1917 ਨੂੰ ਗੁੱਜਰਾਂਵਾਲਾ (ਹੁਣ ਪਾਕਿਸਤਾਨ) ਦੇ ਪੰਜਾਬੀ ਖੱਤਰੀ ਪਰਿਵਾਰ ਵਿਚ ਹੋਈ। ਇਨ੍ਹਾਂ ਦੇ ਪਿਤਾ ਦੀਵਾਨ ਮੰਗਲ ਸੈਨ ਪੰਜਾਬ ਦੇ ਮਸ਼ਹੂਰ ਵਪਾਰੀਆਂ ਵਿਚੋਂ ਇਕ ਸਨ, ਜਿਨ੍ਹਾਂ ਨੇ ਪਹਿਲੀ ਆਲਮੀ ਜੰਗ ਨਾਲ ਵਾਬਸਤਾ ਵੱਖ-ਵੱਖ ਖੇਤਰਾਂ ਵਿਚ ਦਿਲ ਖੋਲ੍ਹ ਕੇ ਦਾਨ ਦਿੱਤਾ ਸੀ। ਜਦੋਂ ਉਨ੍ਹਾਂ ਦੀ ਮੌਤ ਹੋਈ ਤਾਂ ਕਰਨ ਦੀਵਾਨ ਦੀ ਉਮਰ 18 ਸਾਲ ਸੀ। ਉਹ ਗੌਰਮਿੰਟ ਦਿਆਲ ਸਿੰਘ ਕਾਲਜ (ਨਿਸਬਤ ਰੋਡ), ਲਾਹੌਰ ਦਾ ਵਿਦਿਆਰਥੀ ਸੀ। ਇਸ ਉਮਰ ਵਿਚ ਪਿਤਾ ਦੇ ਟੁਰ ਜਾਣ ਦਾ ਉਸ ਨੂੰ ਬੇਹੱਦ ਮਲਾਲ ਹੋਇਆ, ਪਰ ਪਿਓ ਵਰਗੇ ਵੱਡੇ ਭਰਾ ਜੈਮਿਨੀ ਦੀਵਾਨ ਦੀ ਹਿੰਮਤ ਸਦਕਾ ਉਸਨੇ ਆਪਣੀ ਤਾਲੀਮ ਨੂੰ ਜਾਰੀ ਰੱਖਿਆ।
ਸੋਹਣੇ ਗੱਭਰੂ ਕਰਨ ਨੂੰ ਪੜ੍ਹਾਈ ਦੌਰਾਨ ਹੀ ਮਸ਼ਹੂਰ ਫ਼ਿਲਮ ਕੰਪਨੀ ਇੰਦਰਾ ਮੂਵੀਟੋਨ ਤੋਂ ਅਦਾਕਾਰੀ ਕਰਨ ਦਾ ਸੱਦਾ ਆ ਗਿਆ। 9 ਮਾਰਚ 1939 ਨੂੰ ਕਰਨ ਦੀਵਾਨ ਆਪਣੀ ਪਹਿਲੀ ਪੰਜਾਬੀ ਫ਼ਿਲਮ ‘ਪੂਰਨ ਭਗਤ’ (1939) ’ਚ ਹੀਰੋ ਦੇ ਕਿਰਦਾਰ ਲਈ ਚੁਣ ਲਿਆ ਗਿਆ। ਫ਼ਿਲਮਸਾਜ਼ ਸੇਠ ਸੁਖਲਾਲ ਕਰਨਾਨੀ ਅਤੇ ਰੌਸ਼ਨ ਲਾਲ ਸ਼ੋਰੀ ਨਿਰਦੇਸ਼ਤ ਇੰਦਰਾ ਮੂਵੀਟੋਨ, ਕਲਕੱਤਾ ਦੀ ਇਸ ਫ਼ਿਲਮ ’ਚ ਕਰਨ ਦੀਵਾਨ ਨੇ ਰਾਜਕੁਮਾਰ ‘ਪੂਰਨ’ ਦਾ ਕਿਰਦਾਰ ਅਦਾ ਕੀਤਾ ਜਦਕਿ ‘ਲੂਣਾ’ ਦੇ ਫ਼ਰੇਬੀ ਕਿਰਦਾਰ ਵਿੱਚ ਹੈਦਰ ਬਾਂਦੀ ਮੌਜੂਦ ਸੀ। ਫ਼ਿਲਮ ਦੀ ਕਹਾਣੀ, ਸੰਵਾਦ ਤੇ ਗੀਤ ਐੱਮ ਆਰ ਸਰਵਰ ਅਤੇ ਸੰਗੀਤ ਨਿਰਦੇਸ਼ਕ ਮਾਸਟਰ ਧੁੰਮੀ ਖ਼ਾਨ ਰਾਮਪੁਰੀ ਸਨ। ਫ਼ਿਲਮ 26 ਜਨਵਰੀ 1940 ਨੂੰ ਰਾਧੂ ਟਾਕੀਜ਼ ਮੁਲਤਾਨ ਵਿਖੇ ਰਿਲੀਜ਼ ਹੋਈ। ‘ਪੂਰਨ ਭਗਤ’ ਵਿਚ ਆਪਣੀ ਸ਼ਾਨਦਾਰ ਭੂਮਿਕਾ ਨਿਭਾਉਣ ਤੋਂ ਬਾਅਦ ਕਰਨ ਦੀਵਾਨ ਆਪਣੀ ਬੀ. ਏ. ਦੀ ਡਿਗਰੀ ਮੁਕੰਮਲ ਕਰਨ ਕਾਲਜ ਪਰਤ ਆਇਆ। ਤਾਲੀਮ ਮੁਕੰਮਲ ਕਰਨ ਤੋਂ ਬਾਅਦ ਉਸ ਨੂੰ ਹੋਰ ਫ਼ਿਲਮਾਂ ਦੀ ਪੇਸ਼ਕਸ਼ ਆਈ, ਪਰ ਘਰੋਂ ਇਜਾਜ਼ਤ ਨਾ ਮਿਲਣ ਕਾਰਨ ਬਹੁਤ ਸਾਰੀਆਂ ਅਹਿਮ ਫ਼ਿਲਮਾਂ ਉਸਦੇ ਹੱਥੋਂ ਨਿਕਲ ਗਈਆਂ। ਉਨ੍ਹੀਂ ਦਿਨੀਂ ਲਾਹੌਰ ਦੇ ਨੌਰਦਰਨ ਇੰਡੀਆ ਸਟੂਡੀਓ ਵਾਲੇ ਵੀ ਆਪਣੀ ਨਵੀਂ ਪੰਜਾਬੀ ਫ਼ਿਲਮ ਲਈ ਹੀਰੋ ਦੀ ਤਲਾਸ਼ ਕਰ ਰਹੇ ਸਨ। ਕਿਸੇ ਦੇ ਹਵਾਲੇ ਨਾਲ ਉਨ੍ਹਾਂ ਦੀ ਨਜ਼ਰ ਕਰਨ ਦੀਵਾਨ ’ਤੇ ਪਈ। ਉਸ ਵੇਲੇ ਉਹ ਉਰਦੂ ਦੇ ਫ਼ਿਲਮੀ ਰਸਾਲੇ ‘ਜਗਤ ਕੇਸਰੀ’ ਦਾ ਸੰਪਾਦਨ ਕਰ ਰਹੇ ਸਨ। ਉਸਨੂੰ ਫ਼ਿਲਮ ਦਾ ਹੀਰੋ ਚੁਣ ਲਿਆ ਗਿਆ। ਉਹ ਸੰਪਾਦਕੀ ਕੁਰਸੀ ਛੱਡ ਫ਼ਿਲਮੀ ਪੌੜੀ ਚੜ੍ਹ ਪਿਆ। ਠਾਕੁਰ ਰਾਜਿੰਦਰ ਸਿੰਘ ਦੀ ਫ਼ਿਲਮਸਾਜ਼ੀ ਅਤੇ ਸ਼ੰਕਰ ਮਹਿਤਾ ਦੀ ਨਿਰਦੇਸ਼ਨਾ ’ਚ ਬਣੀ ਫ਼ਿਲਮ ‘ਮੇਰਾ ਮਾਹੀ’ (1941) ’ਚ ਕਰਨ ਨੇ ‘ਯਸ਼’ ਦਾ ਕਿਰਦਾਰ ਨਿਭਾਇਆ। ਅਮੀਰ ਅਲੀ ਦੇ ਸੰਗੀਤ ’ਚ ਬੇਕਲ ਅੰਮ੍ਰਿਤਸਰੀ ਦੇ ਲਿਖੇ ਅਤੇ ਕਰਨ ਦੀਵਾਨ ’ਤੇ ਫ਼ਿਲਮਾਏ ਗੀਤ ‘ਪਿਆ ਹਰ ਇਕ ਫੁੱਲ ਹੱਸਦਾ ਦਿਲ ਵਿਚ ਮਾਹੀਆ ਵਸੇ’ (ਬਾਲੋ), ‘ਮੈਂ ਆਖਦਾ ਸਾਂ ਜਦੋਂ ਯਾਰ ਮਿਲ ਸੀ’ ਅਤੇ ‘ਉੱਡਦੇ ਪੰਛੀ ਪਿੰਜਰੇ ਪਾਏ’ ਬਹੁਤ ਪਸੰਦ ਕੀਤੇ ਗਏ। 20 ਜੂਨ 1941 ਨੂੰ ਕਰਾਊਨ ਟਾਕੀਜ਼, ਲਾਹੌਰ ’ਚ ਨੁਮਾਇਸ਼ ਹੋਈ ਇਹ ਫ਼ਿਲਮ ਸੁਪਰਹਿੱਟ ਰਹੀ।
 

ਇਸ ਫ਼ਿਲਮ ਦੀ ਕਾਮਯਾਬੀ ਤੋਂ ਬਾਅਦ ਉਸਦੀ ਸ਼ੋਹਰਤ ਬੰਬੇ ਤਕ ਫੈਲ ਗਈ। ਉਸਦੀ ਪਹਿਲੀ ਹਿੰਦੀ ਫ਼ਿਲਮ ਵਾਡੀਆ ਮੂਵੀਟੋਨ, ਬੰਬਈ ਦੀ ‘ਸ਼ੋਭਾ’ (1942) ਸੀ। ਇਸ ’ਚ ਉਸਨੇ ‘ਮਧੂਕਰ’ ਦਾ ਤੇ ਹੀਰੋਇਨ ਸੁਲੋਚਨਾ ਚੈਟਰਜੀ ‘ਮੋਹਿਨੀ’ ਦਾ ਕਿਰਦਾਰ ਨਿਭਾਇਆ। ਫਿਰ ਇਸੇ ਸਾਲ ਫ਼ਿਲਮ ‘ਤਮੰਨਾ’ (ਸੁਰੱਈਆ ਨਾਲ) ਨੁਮਾਇਸ਼ ਹੋਈ। ਅਦਾਕਾਰਾ ਨਲਿਨੀ ਜਯਵੰਤ ਨਾਲ ‘ਆਦਾਬ ਅਰਜ਼’ (1943), ਮਾਯਾ ਬੈਨਰਜੀ ਨਾਲ ‘ਸਕੂਲ ਮਾਸਟਰ’ (1943), ਨਿਰਮਲਾ ਨਾਲ ‘ਗਾਲੀ’ (1944) ਅਤੇ ਸਵਰਨ ਲਤਾ ਨਾਲ ‘ਘਰ ਕੀ ਸ਼ੋਭਾ’ (1944) ’ਚ ਅਦਾਕਾਰੀ ਕੀਤੀ, ਪਰ ਇਨ੍ਹਾਂ ਫ਼ਿਲਮਾਂ ਨੂੰ ਬਹੁਤੀ ਕਾਮਯਾਬੀ ਨਾ ਮਿਲ ਸਕੀ। ਜਮੁਨਾ ਪ੍ਰੋਡਕਸ਼ਨ ਬੰਬਈ ਦੀ ਐੱਮ ਸਾਦਿਕ ਨਿਰਦੇਸ਼ਿਤ ‘ਰਤਨ’ (1944) ਨੇ ਕਰਨ ਨੂੰ ਮਕਬੂਲੀਅਤ ਦੇ ਸਿਖ਼ਰ ’ਤੇ ਪਹੁੰਚਾ ਦਿੱਤਾ। ਨੌਸ਼ਾਦ ਅਲੀ ਦੇ ਸੰਗੀਤ ’ਚ ਪੰਡਤ ਦੀਨਾ ਨਾਥ ਮਧੋਕ ਦੇ ਲਿਖੇ ਤਮਾਮ ਗੀਤਾਂ ਨੇ ਹਰ ਪਾਸੇ ਧੁੰਮਾਂ ਪਾ ਦਿੱਤੀਆਂ ਸਨ। ਕਰਨ ਦੀਵਾਨ ਦੇ ਗਾਏ ਤੇ ਉਸ ’ਤੇ ਫ਼ਿਲਮਾਏ ਦੋ ਗੀਤ ‘ਸਾਵਨ ਕੇ ਬਾਦਲ, ਉਨਸੇ ਯੇ ਜਾ ਕਹੋ’ (ਜ਼ੌਹਰਾ ਬਾਈ ਨਾਲ) ਤੇ ‘ਜਬ ਤੁਮ ਹੀ ਚਲੇ ਪਰਦੇਸ, ਲਗਾ ਕਰ ਠੇਸ’ ਵੀ ਬੇਹੱਦ ਪਸੰਦ ਕੀਤੇ ਗਏ। ਫ਼ਿਲਮ ਦੀ ਕਾਮਯਾਬੀ ਨੇ ਉਸਨੂੰ ਹਿੰਦੀ ਫ਼ਿਲਮਾਂ ਦਾ ਪਹਿਲਾ ‘ਜੁਬਲੀ ਸਟਾਰ’ ਬਣਾ ਦਿੱਤਾ। ਇਸ ਫ਼ਿਲਮ ’ਚ ਸੰਗੀਤ ਦੇਣ ਦੇ ਇਵਜ਼ ’ਚ ਨੌਸ਼ਾਦ ਅਲੀ ਨੂੰ 5000 ਰੁਪਏ ਮਿਹਨਤਾਨਾ ਮਿਲਿਆ ਜਦੋਂ ਕਿ ਗ੍ਰਾਮੋਫੋਨ ਰਿਕਾਰਡ ਦੀ ਵਿੱਕਰੀ ਨਾਲ ਉਨ੍ਹਾਂ ਨੂੰ 50,000 ਰੁਪਏ ਦੀ ਰਾਇਲਟੀ ਮਿਲੀ ਸੀ। ਇਸ ਦੌਰਾਨ ਕਰਨ ਦੀਵਾਨ ਨੇ ਇਸ ਫ਼ਿਲਮ ਵਿੱਚ ਵਾਸਤੀ ਦੀ ਭੈਣ ਦਾ ਕਿਰਦਾਰ ਅਦਾ ਕਰਨ ਵਾਲੀ ਅਦਾਕਾਰਾ ਮੰਜੂ ਨਾਲ ਪ੍ਰੇਮ ਵਿਆਹ ਕਰਵਾ ਲਿਆ।
1945 ਤੋਂ 1949 ਤਕ ਕਰਨ ਦੀਵਾਨ ਦੀਆਂ 12 ਫ਼ਿਲਮਾਂ ਪਰਦਾਪੇਸ਼ ਹੋਈਆਂ, ਜਿਨ੍ਹਾਂ ਵਿਚ ਉਨ੍ਹਾਂ ਅਦਾਕਾਰੀ ਕਰਨ ਦੇ ਨਾਲ-ਨਾਲ ਗੀਤ ਵੀ ਗਾਏ ਸਨ। ਯੂਨਾਈਟਿਡ ਫ਼ਿਲਮਜ਼, ਬੰਬਈ ਦੀ ‘ਭਾਈ ਜਾਨ’ (1945) ਅਤੇ ਈਸਟਰਨ ਪਿਕਚਰਜ਼, ਬੰਬਈ ਦੀ ‘ਜ਼ੀਨਤ’ (1945) ਵਰਗੀਆਂ ਸਿਲਵਰ ਜੁਬਲੀ ਫ਼ਿਲਮਾਂ ’ਚ ਨੂਰਜਹਾਂ ਨਾਲ ਅਦਾਕਾਰੀ ਕੀਤੀ। ‘ਫਿਰ ਭੀ ਅਪਨਾ ਹੈ’ (1946), ‘ਦੋ ਦਿਲ’, ‘ਗਾਓਂ’, ‘ਕ੍ਰਿਸ਼ਨ ਸੁਦਾਮਾ’, ‘ਮਹਿੰਦੀ’(1947), ‘ਪੀਯਾ ਘਰ ਆਜਾ’ (1947), ‘ਮਿੱਟੀ ਕੇ ਖਿਲੋਨੇ’, ‘ਸ਼ਕਤੀ’, ‘ਦੁਨੀਆ’, ‘ਰਾਖੀ’ (1949) ਵਰਗੀਆਂ ਫ਼ਿਲਮਾਂ ਉਸ ਦੀ ਉਮਦਾ ਕਿਰਦਾਰ-ਨਿਗ਼ਾਰੀ ਦਾ ਸ਼ਾਹਕਾਰ ਸਨ। ਇਸ ਤੋਂ ਬਾਅਦ ਜੈਮਿਨੀ ਦੀਵਾਨ ਪ੍ਰੋਡਕਸ਼ਨ, ਬੰਬਈ ਦੀ ਵੰਡ ਦੇ ਵਿਸ਼ੇ ’ਤੇ ਬਣੀ ਫ਼ਿਲਮ ‘ਲਾਹੌਰ’ (1949) ’ਚ ਉਸਨੇ ‘ਚਮਨ’ ਅਤੇ ਨਰਗਿਸ ਨੇ ‘ਨੀਲੂ’ ਦਾ ਪਾਰਟ ਅਦਾ ਕੀਤਾ। ਫ਼ਿਲਮ ’ਚ ਸ਼ਿਆਮ ਸੁੰਦਰ ਦੇ ਦਿਲਕਸ਼ ਸੰਗੀਤ ’ਚ ਰਾਜਿੰਦਰ ਕ੍ਰਿਸ਼ਨ ਦੇ ਲਿਖੇ 4 ਗੀਤ ਕਰਨ ਦੀਵਾਨ ਨੇ ਗਾਏ ਤੇ ਉਸੇ ’ਤੇ ਫ਼ਿਲਮਾਏ ‘ਦੁਨੀਆ ਹਮਾਰੇ ਪਿਆਰੇ ਕੀ ਯੂੰਹੀ ਜਵਾਂ ਰਹੇ’, ‘ਸੁਨ ਲੋ ਸਜਨ ਮੇਰੀ ਬਾਤ’ (ਦੋਵੇਂ ਲਤਾ ਨਾਲ) ਅਤੇ ਦੋ ਸੋਲੋ ‘ਵਹੀ ਰੋਤਾ ਹੂਆ ਇਕ ਦਿਲ ਇਧਰ ਭੀ ਉਧਰ ਭੀ ਹੈ’ ਤੇ ‘ਹਮ ਜਹਾਂ ਮੇਂ ਆਏ ਆਸੂੰ ਬਹਾਨੇ ਕੇ ਲੀਏ’ ਅੱਜ ਵੀ ਤਰੋ-ਤਾਜ਼ਾ ਹਨ। ਇਸ ਤੋਂ ਬਾਅਦ ਕਰਨ ਨੇ ਪਿੱਠਵਰਤੀ ਗਾਇਕੀ ਨੂੰ ਛੱਡ ਅਦਾਕਾਰੀ ਵੱਲ ਤਵੱਜੋਂ ਦਿੱਤੀ।

 

1947 ਵਿੱਚ ਇਨ੍ਹਾਂ ਦੇ ਵੱਡੇ ਭਰਾ ਜੈਮਿਨੀ ਦੀਵਾਨ ਨੇ ਆਪਣੇ ਜ਼ਾਤੀ ਬੈਨਰ ਜੈਮਿਨੀ ਦੀਵਾਨ ਪ੍ਰੋਡਕਸ਼ਨ, ਬੰਬੇ ਦੀ ਪਹਿਲੀ ਪੰਜਾਬੀ ਫ਼ਿਲਮ ‘ਚਮਨ’ (ਪਹਿਲਾ ਨਾਂ ਡਾਕਟਰ ਚਮਨ) ਸ਼ੁਰੂ ਕੀਤੀ। ਫ਼ਿਲਮ ਦੇ ਹਿਦਾਇਤਕਾਰ ਰੂਪ ਕੇ ਸ਼ੋਰੀ ਅਤੇ ਫ਼ਿਲਮਸਾਜ਼ ਉਹ ਖ਼ੁਦ ਸਨ। ਫ਼ਿਲਮ ਦੀ ਸੰਪੂਰਨਤਾ ਦੌਰਾਨ ਮੁਲਕ ਤਕਸੀਮ ਹੋ ਗਿਆ ਅਤੇ ਰੂਪ ਕੇ ਸ਼ੋਰੀ ਉਸਦਾ ਨੈਗੇਟਿਵ ਲੈ ਕੇ ਬੰਬੇ ਟੁਰ ਗਏ। ਉੱਥੇ ਇਹ ਫ਼ਿਲਮ ‘ਚਮਨ’ ਦੇ ਨਾਂ ਨਾਲ ਮੁਕੰਮਲ ਹੋਈ ਅਤੇ ਸਭ ਤੋਂ ਪਹਿਲਾਂ 6 ਅਗਸਤ 1948 ਨੂੰ ਰਤਨ ਸਿਨਮਾ, ਲਾਹੌਰ ਵਿੱਚ ਰਿਲੀਜ਼ ਕੀਤੀ ਗਈ। ਮੌਸੀਕਾਰ ਵਿਨੋਦ ਦੇ ਦਿਲਕਸ਼ ਸੰਗੀਤ ’ਚ ਅਜ਼ੀਜ਼ ਕਸ਼ਮੀਰੀ ਦੇ ਲਿਖੇ ‘ਫਿਰ ਕਿਸੇ ਦੀ ਯਾਦ ਆਈ ਏ’ (ਕਰਨ ਦੀਵਾਨ, ਪੁਸ਼ਪਾ ਚੋਪੜਾ, ਪ੍ਰੇਮ ਲਤਾ) ਤੋਂ ਇਲਾਵਾ ਤਮਾਮ ਗੀਤ ਬੇਹੱਦ ਮਕਬੂਲ ਹੋਏ। ਇਸ ਬਲਾਕ-ਬਸਟਰ ਫ਼ਿਲਮ ਤੋਂ ਬਾਅਦ ਕਰਨ ਦੀਵਾਨ ਨੇ ਪੰਜਾਬੀ ਫ਼ਿਲਮ ‘ਜੀਜਾ ਜੀ’ (1961) ’ਚ ਹੀਰੋ ਦਾ ਕਿਰਦਾਰ ਨਿਭਾਉਂਦਿਆਂ ‘ਸ਼ਹਿਰੀ ਕਾਕੇ’ ਦਾ ਰੋਲ ਅਦਾ ਕੀਤਾ। ਸਪਨ-ਜਗਮੋਹਨ ਦੇ ਸੰਗੀਤ ’ਚ ਕਰਨ ਦੀਵਾਨ ਤੇ ਨਿਸ਼ੀ ’ਤੇ ਫ਼ਿਲਮਾਏ ਗੀਤ ‘ਤੂੰ ਸੁਣ ਮੇਰੀ ਰਾਣੀਏ ਮੇਰੇ ਮਨ ਭਾਨੀਏ’ (ਮੁਹੰਮਦ ਰਫ਼ੀ, ਆਸ਼ਾ ਭੋਸਲੇ) ਅਤੇ ਦੂਜੀ ਖ਼ੂਬਸੂਰਤ ਕੱਵਾਲੀ ‘ਨੀ ਚਿੱਟੀਏ ਕਬੂਤਰੀਏ ਅਸੀਂ ਦੱਸ ਕੀ ਕਰੀਏ’ (ਮੁਹੰਮਦ ਰਫ਼ੀ, ਸ਼ਮਸ਼ਾਦ ਬੇਗ਼ਮ) ਵੀ ਬਹੁਤ ਪਸੰਦ ਕੀਤੀ ਗਈ।
1970ਵਿਆਂ ਦੇ ਦਹਾਕੇ ’ਚ ਕਰਨ ਦੀਵਾਨ ਦੀ ਚਰਿੱਤਰ ਅਦਾਕਾਰ ਵਜੋਂ ਪਹਿਲੀ ਤੇ ਪੰਜਵੀਂ ਪੰਜਾਬੀ ਫ਼ਿਲਮ, ਫ਼ਿਲਮ ਨਗਰ, ਬੰਬੇ ਦੀ ‘ਸ਼ੇਰਨੀ’ (1973) ਸੀ। ਉਪਕਾਰ ਐਂਟਰਟੇਨਮੈਂਟਸ ਲਿਮਟਿਡ, ਚੰਡੀਗੜ੍ਹ ਦੇ ਬੈਨਰ ਹੇਠ ਬ੍ਰਿਜ ਮੋਹਨ ਦੀ ਹਿਦਾਇਤਕਾਰੀ ’ਚ ਬਣੀ ਫ਼ਿਲਮ ‘ਸ਼ਹੀਦ ਊਧਮ ਸਿੰਘ’ (1977) ’ਚ ਕਰਨ ਦੀਵਾਨ ਨੇ ‘ਸਿੱਖ ਗਿਆਨੀ’ ਦਾ ਪਾਰਟ ਬਾਖ਼ੂਬੀ ਅਦਾ ਕੀਤਾ। ਪੰਜਾਬ ਪਿਕਚਰਜ਼, ਬੰਬੇ ਦੀ ‘ਵੰਗਾਰ’ (1977) ’ਚ ਉਨ੍ਹਾਂ ਨੇ ‘ਭਗਤ ਜੀ’ ਦਾ ਰੋਲ ਕੀਤਾ। ਉਸਦੀ 8ਵੀਂ ਤੇ ਆਖ਼ਰੀ ਪੰਜਾਬੀ ਫ਼ਿਲਮ ‘ਚੋਰਾਂ ਨੂੰ ਮੋਰ (1979) ਸੀ। ਇਸ ’ਚ ਉਨ੍ਹਾਂ ’ਤੇ ਫ਼ਿਲਮਾਇਆ ਨਗ਼ਮਾ ‘ਓ ਜ਼ਿੰਦਗੀ ਨੂੰ ਸਾਂਭ ਤੇ ਸੰਭਾਲ ਬੰਦਿਆ’ (ਮਹਿੰਦਰ ਕਪੂਰ) ਵੀ ਬੜਾ ਮਕਬੂਲ ਹੋਇਆ।
ਕਰਨ ਦੀਵਾਨ ਨੇ 1942 ਤੋਂ ਲੈ ਕੇ 1963 ਤਕ ਤਕਰੀਬਨ 50 ਹਿੰਦੀ ਫ਼ਿਲਮਾਂ ਵਿੱਚ ਅਹਿਮ ਕਿਰਦਾਰ ਅਦਾ ਕੀਤੇ। ਜਦੋਂ ਹੀਰੋ ਦੀ ਭੂਮਿਕਾ ਨੂੰ ਅਲਵਿਦਾ ਕਹੀ ਤਾਂ 1963 ਤੋਂ 1981 ਤਕ ਬਣੀਆਂ 11 ਫ਼ਿਲਮਾਂ ਵਿਚ ਬਤੌਰ ਚਰਿੱਤਰ ਅਦਾਕਾਰ ਆਪਣੀ ਅਦਾਕਾਰੀ ਦੀ ਅਮਿੱਟ ਛਾਪ ਛੱਡੀ। ਉਸਨੇ ਨਿਰਦੇਸ਼ਕ ਵੀ ਸ਼ਾਂਤਾਰਾਮ ਦੀਆਂ ਦੋ ਕਲਾਸਿਕ ਫ਼ਿਲਮਾਂ ‘ਦਹੇਜ’ (1950) ਅਤੇ ‘ਤੀਨ ਬੱਤੀ ਚਾਰ ਰਾਸਤਾ’ (1953) ’ਚ ਅਦਾਕਾਰਾ ਸੰਧਯਾ ਨਾਲ ਸ਼ਾਨਦਾਰ ਅਦਾਕਾਰੀ ਕੀਤੀ ਸੀ।
ਕਰਨ ਦੀਵਾਨ ਦੇ ਵੱਡ-ਵਡੇਰਿਆਂ ਨੂੰ ‘ਦੀਵਾਨ’ ਮਹਾਰਾਜਾ ਰਣਜੀਤ ਸਿੰਘ ਵੱਲੋਂ ਮਿਲਿਆ ਵੱਕਾਰੀ ਖ਼ਿਤਾਬ ਸੀ, ਪਰ ਗੋਤ ਵਜੋਂ ਇਹ ‘ਨਈਅਰ’ ਸਨ। ਉਸਦੀ ਆਵਾਜ਼ ਮੱਧਮ ਸੁਰ ਵਾਲੀ ਸੀ, ਇਸ ਲਈ ਉੱਚੇ ਸੁਰ ’ਚ ਗਾਉਣਾ ਉਨ੍ਹਾਂ ਦੇ ਵੱਸ ਦੀ ਗੱਲ ਨਹੀਂ ਸੀ। ਉਨ੍ਹਾਂ ਨੇ ਜੋ ਵੀ ਗਾਇਆ ਬਾਕਮਾਲ ਗਾਇਆ। ਫ਼ਿਲਮਾਂ ਤੋਂ ਸੰਨਿਆਸ ਲੈਣ ਤੋਂ ਬਾਅਦ ਉਹ ਮਸ਼ਹੂਰ ਨਿਰਦੇਸ਼ਕ ਅਤੇ ਫ਼ਿਲਮਸਾਜ਼ ਬਲਦੇਵ ਰਾਜ ਚੋਪੜਾ ਦੀ ਫ਼ਿਲਮ ਕੰਪਨੀ ਵਿੱਚ ਮੈਨੇਜਰ ਵੀ ਰਹੇ। 2 ਅਗਸਤ, 1979 ਨੂੰ 62 ਸਾਲ ਦੀ ਉਮਰ ਵਿੱਚ ਉਨ੍ਹਾਂ ਦਾ ਬੰਬਈ ਵਿਚ ਦੇਹਾਂਤ ਹੋ ਗਿਆ। ਕਰਨ ਦੀਵਾਨ ਦੀਆਂ 5 ਧੀਆਂ ਅਤੇ 2 ਪੁੱਤਰ ਹਨ।

ਇਸ ਖ਼ਬਰ ਤੇ ਤੁਹਾਡੀ ਟਿੱਪਣੀ
ਮਨੌਰੰਜਨ ਵਿੱਚ ਹੋਰ
ਸਬੱਬ ਨਾਲ ਹੀ ਫਿਲਮਾਂ ’ਚ ਆ ਗਿਆ: ਆਦਿੱਤਿਆ

ਮੁੰਬਈ,18 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਅਦਾਕਾਰ ਆਦਿੱਤਿਆ ਰੌਇ ਕਪੂਰ ਦਾ ਕਹਿਣਾ ਹੈ ਕਿ ਉਹ ਸਬੱਬ ਨਾਲ ਹੀ ਅਦਾਕਾਰ ਬਣ ਗਿਆ। ਕਲਾਕਾਰਾਂ ਦੇ ਪਰਿਵਾਰ ਨਾਲ ਸਬੰਧ ਰੱਖਣ ਦੇ ਬਾਵਜੂਦ ਉਹ ਅਦਾਕਾਰ ਨਹੀਂ ਬਣਨਾ ਚਾਹੁੰਦਾ ਸੀ।

ਚੀਨ ’ਚ ‘ਅੰਧਾਧੁਨ’ ਦੀ ਸਫਲਤਾ ਮੇਰੇ ਲਈ ਯਾਦਗਾਰ : ਆਯੂਸ਼ਮਾਨ

ਮੁੰਬਈ,18 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ‘ਅੰਧਾਧੁਨ’ ਸਟਾਰ ਆਯੂਸ਼ਮਾਨ ਖੁਰਾਨਾ ਚੀਨ ਵਿੱਚ ਫਿਲਮ ਦੀ 200 ਕਰੋੜ ਤੋਂ ਵਧ ਦੀ ਕਮਾਈ ਤੋਂ ਖੁਸ਼ ਹਨ। ਉਨ੍ਹਾਂ ਕਿਹਾ ਕਿ ਇਹ ਪ੍ਰਾਪਤੀ ਉਨ੍ਹਾਂ ਲਈ ਹਮੇਸ਼ਾ ‘ਯਾਦਗਾਰ’ ਰਹੇਗੀ। ਸ੍ਰੀਰਾਮ ਰਾਘਵਨ ਦੇ ਨਿਰਦੇਸ਼ਨ ਵਾਲੀ ਥ੍ਰਿਲਰ ਡਰਾਮਾ ਫਿਲਮ ਵਿੱਚ ਆਯੂਸ਼ਮਾਨ, ਤੱਬੂ ਅਤੇ ਰਾਧਿਕਾ ਆਪਟੇ ਨੇ ਮੁੱਖ ਭੂਮਿਕਾਵਾਂ ਨਿਭਾਈਆਂ ਹਨ। ਚੀਨ ਵਿੱਚ ਇਹ ਫਿਲਮ ‘ਪਿਆਨੋ ਪਲੇਅਰ’ ਦੇ ਨਾਂ ਨਾਲ 3 ਅਪਰੈਲ ਨੂੰ ਰਿਲੀਜ਼ ਹੋਈ ਸੀ। ਆਯੂਸ਼ਮਾਨ ਨੇ ਇਕ ਬਿਆਨ ਵਿੱਚ ਕਿਹਾ,

ਲੋਕਾਂ ਨੂੰ ਕੈਂਸਰ ਬਾਰੇ ਜਾਗਰੂਕ ਕਰਨਾ ਜ਼ਰੂਰੀ: ਸੋਨਾਲੀ

ਮੁੰਬਈ,14 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਬੌਲੀਵੁੱਡ ਅਦਾਕਾਰਾ ਸੋਨਾਲੀ ਬੇਂਦਰੇ ਨੇ ਕਿਹਾ ਕਿ ਕੈਂਸਰ ਦਾ ਜਲਦੀ ਹੀ ਪਤਾ ਲੱਗ ਜਾਣਾ ਅਤੇ ਬਿਮਾਰੀ ਬਾਰੇ ਜਾਗਰੂਕਤਾ ਫੈਲਾਉਣੀ ਬਹੁਤ ਜ਼ਰੂਰੀ ਹੈ। ਜ਼ਿਕਰਯੋਗ ਹੈ ਕਿ ਪਿਛਲੇ ਸਾਲ ਪਤਾ ਲੱਗਾ ਸੀ ਕਿ ਸੋਨਾਲੀ ਨੂੰ ਹਾਈ ਗਰੇਡ ਕੈਂਸਰ ਹੈ। 

ਵਿਲੱਖਣ ਭੂਮਿਕਾਵਾਂ ਕਰਨਾ ਚਾਹੁੰਦੀ ਹੈ ਮਾਧੁਰੀ

ਮੁੰਬਈ,14 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਫਿਲਮ ਅਦਾਕਾਰਾ ਮਾਧੁਰੀ ਦੀਕਸ਼ਿਤ ਨੇਨੇ ਨੇ ਕਿਹਾ ਕਿ ਉਹ ਉਮਰ ਸਬੰਧੀ ਰੂੜੀਵਾਦੀ ਧਾਰਨਾ ’ਚ ਯਕੀਨ ਨਹੀਂ ਕਰਦੀ ਅਤੇ ਉਹ ਫਿਲਮਾਂ ’ਚ ਅਜਿਹੀਆਂ ਭੂਮਿਕਾਵਾਂ ਕਰਨਾ ਚਾਹੁੰਦੀ ਹੈ ਜਿਨ੍ਹਾਂ ਰਾਹੀਂ ਉਸ ਨੂੰ ਕੁਝ ਵਿਲੱਖਣ ਕਰਨ ਦਾ ਮੌਕਾ ਮਿਲੇ। ਇਸ ਅਭਿਨੇਤਰੀ ਨੇ ਹੁਣ ਤੱਕ ਬੌਲੀਵੁੱਡ ਵਿੱਚ ਰਾਮ ਲਖਨ, ਤੇਜ਼ਾਬ, ਦਿਲ, ਹਮ ਆਪਕੇ ਹੈਂ ਕੌਣ, ਮ੍ਰਿਤਯੂਦੰਡ, ਪੁਕਾਰ ਅਤੇ ਦੇਵਦਾਸ ਵਰਗੀਆਂ ਫਿਲਮਾਂ ’ਚ ਵੱਖ ਵੱਖ ਭੂਮਿਕਾਵਾਂ ਨਿਭਾਅ ਕੇ ਆਪਣੀ ਕਲਾ ਦਾ ਲੋਹਾ ਮਨਵਾਇਆ ਹੈ।

ਸੀਰੀਅਲ ‘ਫ਼ੌਜੀ’ ਦੇ ਨਿਰਦੇਸ਼ਕ ਦਾ ਦੇਹਾਂਤ

ਮੁੰਬਈ,14 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਟੈਲੀਵਿਜ਼ਨ ਦੇ ਮਸ਼ਹੂਰ ਸੀਰੀਅਲ ‘ਫੌਜੀ’ ਦੇ ਨਿਰਦੇਸ਼ਕ ਕਰਨਲ ਰਾਜ ਕੁਮਾਰ ਕਪੂਰ ਦੇ ਦੇਹਾਂਤ ਮਗਰੋਂ ਅਦਾਕਾਰ ਸ਼ਾਹਰੁਖ ਖਾਨ ਨੇ ਦੁੱਖ ਦਾ ਇਜ਼ਹਾਰ ਕੀਤਾ ਹੈ। ਸ੍ਰੀ ਕਪੂਰ 87 ਵਰ੍ਹਿਆਂ ਦੇ ਸਨ। ਉਨ੍ਹਾਂ ਦਾ ਦੇਹਾਂਤ ਬੁਢਾਪੇ ਨਾਲ ਸਬੰਧਤ ਬਿਮਾਰੀਆਂ ਕਾਰਨ ਹੋਇਆ। ਸ਼ਮਸ਼ਾਨਘਾਟ ਵਿੱਚ ਉਨ੍ਹਾਂ ਦਾ ਸਸਕਾਰ ਕੀਤਾ ਗਿਆ।

ਮਨੋਵਿਗਿਆਨਕ ਥ੍ਰਿਲਰ ’ਚ ਨਜ਼ਰ ਆਉਣਗੇ ਅਮਿਤਾਭ ਤੇ ਇਮਰਾਨ

ਮੁੰਬਈ,14 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਮੈਗਾਸਟਾਰ ਅਮਿਤਾਭ ਬੱਚਨ ਤੇ ਇਮਰਾਨ ਹਾਸ਼ਮੀ ਜਲਦੀ ਹੀ ਇਕ ਮਨੋਵਿਗਿਆਨਕ ਥ੍ਰਿਲਰ ਵਿੱਚ ਇਕੱਠਿਆਂ ’ਚ ਨਜ਼ਰ ਆਉਣਗੇ। ਇਸ ਫ਼ਿਲਮ ਦੇ ਨਿਰਮਾਤਾ ਆਨੰਦ ਪੰਡਿਤ ਤੇ ਡਾਇਰੈਕਟਰ ਰੂਮੀ ਜਾਫ਼ਰੀ ਹੋਣਗੇ। ਪੰਡਿਤ ਨੇ ਇਕ ਬਿਆਨ ’ਚ ਕਿਹਾ, ‘ਬੱਚਨ ਸਾਹਿਬ ਨਾਲ ਮੇਰੀ ਦੋਸਤੀ ਦੋ ਦਹਾਕਿਆਂ ਪੁਰਾਣੀ ਹੈ। ਮੈਂ ਉਨ੍ਹਾਂ ਦੇ ਮੇਚ ਦਾ ਹੁਨਰ ਤੇ ਸਮਰਪਣ ਭਾਵਨਾ ਹੋਰ ਕਿਸੇ ਕਲਾਕਾਰ ’ਚ ਨਜ਼ਰ ਨਹੀਂ ਆਈ।

ਸਮਿੱਥ ਅਤੇ ਵਾਰਨਰ ’ਤੇ ਦੋ ਸਾਲ ਦੀ ਪਾਬੰਦੀ ਲੱਗਣੀ ਚਾਹੀਦੀ ਸੀ: ਐਂਬਰੋਜ਼

ਮੈਲਬਰਨ,11 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਵੈਸਟਇੰਡੀਜ਼ ਦੇ ਆਪਣੇ ਜ਼ਮਾਨੇ ਦੇ ਉੱਘੇ ਤੇਜ਼ ਗੇਂਦਬਾਜ਼ ਕਰਟਲੀ ਐਂਬਰੋਜ਼ ਦਾ ਮੰਨਣਾ ਹੈ ਕਿ ਆਸਟਰੇਲੀਆਈ ਸਟੀਵ ਸਮਿੱਥ ਅਤੇ ਡੇਵਿਡ ਵਾਰਨਰ ਸੰਗੀਨ ਅਪਰਾਧ ਕਰਕੇ ਵੀ ਬਚ ਗਏ ਅਤੇ ਉਨ੍ਹਾਂ ’ਤੇ ਗੇਂਦ ਨਾਲ ਛੇੜਛਾੜ ਦੇ ਮਾਮਲੇ ਵਿੱਚ ਦੋ ਸਾਲ ਦੀ ਪਾਬੰਦੀ ਲੱਗਣੀ ਚਾਹੀਦੀ ਸੀ।
ਸਾਬਕਾ ਕਪਤਾਨ ਸਮਿੱਥ ਅਤੇ ਉਸ ਨਾਲ ਉਪ ਕਪਤਾਨ ਰਹੇ ਵਾਰਨਰ ’ਤੇ ਕਿ੍ਕਟ ਆਸਟਰੇਲੀਆ ਨੇ ਪਿਛਲੇ ਸਾਲ ਮਾਰਚ ਵਿੱਚ ਦੱਖਣੀ ਅਫ਼ਰੀਕਾ ਦੇ ਖ਼ਿਲਾਫ਼ ਕੇਪਟਾਊਨ ਵਿੱਚ ਤੀਜੇ ਟੈਸਟ ਮੈਚ ਦੌਰਾਨ ਗੇਂਦ ਨਾਲ ਛੇੜਛਾੜ ਵਿੱਚ ਭੂਮਿਕਾ ਲਈ ਇਕ ਸਾਲ ਦੀ ਪਾਬੰਦੀ ਲਗਾਈ ਸੀ।

ਸੰਤੋਸ਼ ਟਰਾਫੀ: ਕਰਨਾਟਕਾ ਨੇ ਸਿੱਕਿਮ ਨੂੰ 2-0 ਨਾਲ ਹਰਾਇਆ

ਲੁਧਿਆਣਾ,11 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਗੁਰੂ ਨਾਨਕ ਸਟੇਡੀਅਮ ਲੁਧਿਆਣਾ ’ਚ ਸੰਤੋਸ਼ ਟਰਾਫੀ ਲਈ ਸਵੇਰ ਸਮੇਂ ਹੋਏ ਇੱਕ ਮੈਚ ’ਚ ਕਰਨਾਟਕ ਨੇ ਸਿੱਕਿਮ ਦੀ ਟੀਮ ਨੂੰ 2-0 ਨਾਲ ਹਾਰ ਦਿੱਤੀ ਜਦਕਿ ਦੂਜੇ ਮੈਚ ਵਿੱਚ ਅਸਾਮ ਨੇ ਮਹਾਰਾਸ਼ਟਰ ਨੂੰ 3-2 ਨਾਲ ਪਛਾੜਿਆ। ਦੂਜੇ ਪਾਸੇ ਲੁਧਿਆਣਾ ’ਚ ਸੰਤੋਸ਼ ਟਰਾਫੀ ਲਈ 8 ਅਪਰੈਲ ਤੋਂ ਅੱਜ ਤੱਕ ਹੋਏ 8 ਮੁਕਾਬਲਿਆਂ ’ਚ ਸਿਰਫ 2000 ਦੇ ਕਰੀਬ ਹੀ ਦਰਸ਼ਕ ਦੇਖਣ ਪਹੁੰਚੇ।
ਕੌਮੀ ਪੱਧਰ ਦੀਆਂ ਫੁਟਬਾਲ ਟੀਮਾਂ ਦੇ ਲੁਧਿਆਣਾ ਵਿੱਚ ਹੋ ਰਹੇ ਭੇੜ ਨੂੰ ਦੇਖਣ ਲਈ ਦਰਸ਼ਕਾਂ ਦੀ ਕਮੀ ਨਾਲ ਪ੍ਰਬੰਧਕਾਂ ਅਤੇ ਖਿਡਾਰੀਆਂ ਦਾ ਕਥਿਤ ਤੌਰ ’ਤੇ ਹੌਸਲਾ ਪਸਤ ਹੈ।

ਕਿ੍ਸ ਗੇਲ ਦੇ ਪਿੱਠ ਵਿੱਚ ਦਰਦ

ਮੁੰਬਈ,11 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਧਮਾਕਾਖੇਜ਼ ਬੱਲੇਬਾਜ਼ ਕਿ੍ਸ ਗੇਲ ਦੇ ਬੁੱਧਵਾਰ ਨੂੰ ਇਥੇ ਮੁੰਬਈ ਖ਼ਿਲਾਫ਼ ਆਈਪੀਐਲ ਮੈਚ ਦੌਰਾਨ ਪਿੱਠ ਵਿੱਚ ਜਕੜਨ ਹੋਣ ਕਾਰਨ ਕਿੰਗਜ਼ ਇਲੈਵਨ ਪੰਜਾਬ ਦੀ ਪ੍ਰੇਸ਼ਾਨੀ ਵਧ ਗਈ ਹੈ ਜਿਸ ਨਾਲ ਆਖ਼ਰੀ ਗੇਂਦ ਤਕ ਖਿੱਚੇ ਇਸ ਮੈਚ ਵਿੱਚ ਤਿੰਨ ਵਿਕਟ ਨਾਲ ਹਾਰ ਝੱਲਣੀ ਪਈ ਸੀ। ਪੰਜਾਬ ਦੇ ਕਪਤਾਨ ਰਵੀਚੰਦਰਨ ਅਸ਼ਵਿਨ ਨੇ ਮੈਚ ਤੋਂ ਬਾਅਦ ਕਿਹਾ, ‘‘ਉਸ (ਗੇਲ) ਨੇ ਦੱਸਿਆ ਕਿ ਉਸ ਦੀ ਪਿੱਠ ਵਿੱਚ ਦਰਦ ਹੈ।

ਦੀਪਾ ਨੂੰ ਸਰ ਐਡਮੰਡ ਹਿਲੇਰੀ ਫੈਲੋਸ਼ਿਪ

ਨਵੀਂ ਦਿੱਲੀ,11 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਰਿਓ ਓਲੰਪਿਕ ਦੀ ਚਾਂਦੀ ਦਾ ਤਗਮਾ ਜੇਤੂ ਦੀਪਾ ਮਲਿਕ ਨੂੰ ਵੀਰਵਾਰ ਨੂੰ ਉਸ ਦੀ ਪ੍ਰੇਰਣਾਦਾਇਕ ਪ੍ਰਾਪਤੀ ਲਈ ਨਿਊਜ਼ੀਲੈਂਡ ਦੇ ਪ੍ਰਧਾਨ ਮੰਤਰੀ ਵੱਲੋਂ ਸਰ ਐਡਮੰਡ ਫੈਲੋਸ਼ਿਪ 2019 ਲਈ ਚੁਣਿਆ ਗਿਆ। ਰਿਓ ਓਲੰਪਿਕ 2016 ਵਿੱਚ ਗੋਲਾ ਸੁੱਟਣ ਦੀ ਐਡ 53 ਮੁਕਾਬਲੇ ਵਿੱਚ ਚਾਂਦੀ ਦਾ ਤਗਮਾ ਜਿੱਛ ਵਾਲੀ 48 ਸਾਲਾ ਦੀਪਾ ਭਾਰਤ ਅਤੇ ਨਿਊਜ਼ੀਲੈਂਡ ਵਿੱਚ ਖੇਡ, ਸੰਸਕਿ੍ਤੀ ਅਤੇ ਲੋਕਾਂ ਵਿੱਚ ਆਪਸੀ ਸਬੰਧ ਗੁੂੜ੍ਹੇ ਕਰਨ ਲਈ ਕੰਮ ਕਰੇਗੀ।

ਇਰਫ਼ਾਨ ਵੱਲੋਂ ‘ਅੰਗਰੇਜ਼ੀ ਮੀਡੀਅਮ’ ਦੀ ਸ਼ੂਟਿੰਗ ਸ਼ੁਰੂ

ਉਦੇਪੁਰ,5 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਅਦਾਕਾਰ ਇਰਫ਼ਾਨ ਖ਼ਾਨ, ਜਿਸ ਨੂੰ ਪਿਛਲੇ ਸਾਲ ਦਿਮਾਗ ਦਾ ਕੈਂਸਰ ਡਾਇਗਨੋਸ ਹੋਇਆ ਸੀ, ਹੁਣ ਫ਼ਿਲਮ ਦੇ ਸੈੱਟ ’ਤੇ ਪਰਤ ਆਇਆ ਹੈ। ਅਦਾਕਾਰ ਨੇ ਅੱਜ ਤੋਂ ਉਦੇਪੁਰ ’ਚ ਫ਼ਿਲਮ ‘ਅੰਗਰੇਜ਼ੀ ਮੀਡੀਅਮ’ ਦੀ ਸ਼ੂਟਿੰਗ ਆਰੰਭ ਦਿੱਤੀ ਹੈ। ਇਰਫ਼ਾਨ ਦੀ ਇਹ ਨਵੀਂ ਫ਼ਿਲਮ ਸਾਲ 2017 ਵਿੱਚ ਰਿਲੀਜ਼ ਹੋਈ ਫ਼ਿਲਮ ‘ਹਿੰਦੀ ਮੀਡੀਅਮ’ ਦਾ ਹੀ ਸਿਕੁਇਲ ਹੋਵੇਗੀ। ਹਫ਼ਤੇ ਦੀ ਸ਼ੁਰੂਆਤ ’ਚ ਅਦਾਕਾਰ ਨੂੰ ਮੁੰਬਈ ਹਵਾਈ ਅੱਡੇ ’ਤੇ ਵੇਖਿਆ ਗਿਆ ਸੀ ਤੇ ਉਦੋਂ ਤੋਂ ਹੀ ਉਹਦੀ ਫ਼ਿਲਮੀ ਪਰਦੇ ’ਤੇ ਵਾਪਸੀ ਦੀਆਂ ਅਫ਼ਵਾਹਾਂ ਦਾ ਬਾਜ਼ਾਰ ਗਰਮ ਹੈ। ਨਿਰਮਾਤਾ ਦਿਨੇਸ਼ ਵਿਜਨ ਨੇ ਅੱਜ ਇਕ ਤਸਵੀਰ ਜਾਰੀ ਕਰਦਿਆਂ ਇਰਫ਼ਾਨ ਦੀ ਸੈੱਟ ’ਤੇ ਵਾਪਸੀ ਦੀ ਪੁਸ਼ਟੀ ਕੀਤੀ ਹੈ। ਤਸਵੀਰ ਵਿੱਚ ਵਿਜਨ, ਫ਼ਿਲਮਸਾਜ਼ ਹੋਮੀ ਅਦਜਾਨੀਆ, ਅਦਾਕਾਰ ਦੀਪਕ ਡੋਬਰਿਆਲ, ਸਿਨੇਮਾਟੋਗ੍ਰਾਫ਼ਰ ਅਨਿਲ ਮਹਿਤਾ ਤੇ ਇਰਫ਼ਾਨ ਇਕੱਠਿਆਂ ਨਜ਼ਰ ਆ ਰਹੇ ਹਨ।

ਸੋਨਾਕਸ਼ੀ ਸਿਨਹਾ ਨੇ ਦਬੰਗ-3 ਦੀ ਸ਼ੂਟਿੰਗ ਸ਼ੁਰੂ ਕੀਤੀ

ਮੁੰਬਈ,5 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਬੌਲੀਵੁੱਡ ਅਦਾਕਾਰਾ ਸੋਨਾਕਸ਼ੀ ਸਿਨਹਾ ਨੇ ਆਪਣੀ ਨਵੀਂ ਫਿਲਮ ‘ਦਬੰਗ 3’ ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ। ਐਕਸ਼ਨ ਫਿਲਮਾਂ ਦੀ ਲੜੀ ’ਚ ਰੱਜੋ ਦੀ ਭੂਮਿਕਾ ਨਿਭਾਅ ਰਹੀ ਇਸ 31 ਸਾਲਾ ਅਭਿਨੇਤਰੀ ਨੇ ਟਵਿੱਟਰ ’ਤੇ ਇਸ ਦੀ ਸੂਚਨਾ ਦਿੱਤੀ ਹੈ।

ਮਾਂ ਦਿਵਸ ਮੌਕੇ ਚੀਨ ਵਿਚ ਲੱਗੇਗੀ ਸ੍ਰੀਦੇਵੀ ਦੀ ਫ਼ਿਲਮ ‘ਮੌਮ’

ਮੁੰਬਈ,5 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਬੌਲੀਵੁੱਡ ਅਦਾਕਾਰਾ ਸ੍ਰੀਦੇਵੀ ਦੀ ਫ਼ਿਲਮ ‘ਮੌਮ’ ਮਾਂ ਦਿਵਸ ਮੌਕੇ ਚੀਨ ਵਿਚ ਵਿਖਾਈ ਜਾਵੇਗੀ। ਇਹ ਸ੍ਰੀਦੇਵੀ ਦੀ ਜ਼ਿੰਦਗੀ ਦੀ ਆਖ਼ਰੀ ਫ਼ਿਲਮ ਸੀ। ਰਵੀ ਉਦਿਆਵਾਰ ਵਲੋਂ ਨਿਰਦੇਸ਼ਤ ਇਸ ਫ਼ਿਲਮ ਵਿਚ ਇੱਕ ਮਾਂ (ਸ੍ਰੀਦੇਵੀ) ਆਪਣੀ ਸੌਤੇਲੀ ਧੀ ਨਾਲ ਕੀਤੇ ਗਏ ਅਪਰਾਧ ਦਾ ਬਦਲਾ ਲੈਂਦੀ ਵਿਖਾਈ ਦਿੰਦੀ ਹੈ। ਇਹ ਫ਼ਿਲਮ ਪਹਿਲਾਂ 22 ਮਾਰਚ ਨੂੰ ਸਿਨਮਾ ਘਰਾਂ ਵਿਚ ਲੱਗਣੀ ਸੀ ਪਰ ਹੁਣ ਇਹ 10 ਮਈ ਨੂੰ ਵਿਖਾਈ ਜਾਵੇਗੀ। 

ਸਹਿਗਲ ਦੇ ਜਾਦੂਈ ਸੰਗੀਤ ’ਤੇ ਚਾਨਣਾ ਪਾਏਗੀ ਕਿਤਾਬ

ਨਵੀਂ ਦਿੱਲੀ,5 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਮਹਾਨ ਗਾਇਕ ਅਤੇ ਸੰਗੀਤਕਾਰ ਕੇ.ਐਲ. ਸਹਿਗਲ ਦੀਆਂ ਜਾਦੂਈ ਧੁਨਾਂ ਅਤੇ ਹਿੰਦੀ ਸਿਨੇਮਾ ਦੇ ਸੁਨਿਹਰੀ ਯੁੱਗ ਨੂੰ ਕਿਤਾਬ ‘ਕੁੰਦਨ: ਸਹਿਗਲ’ਜ਼ ਲਾਈਫ਼ ਐਂਡ ਮਿਊਜ਼ਿਕ’ ਰਾਹੀਂ ਡਾਕੂਮੈਂਟਰੀ ਫ਼ਿਲਮਸਾਜ਼ ਤੇ ਦੂਰਦਰਸ਼ਨ ਦੇ ਸਾਬਕਾ ਅਧਿਕਾਰੀ ਸ਼ਰਦ ਦੱਤ ਨੇ ਮੁੜ ਤੋਂ ਸਜੀਵ ਕਰਨ ਦਾ ਉੱਦਮ ਕੀਤਾ ਹੈ। ਦੱਤ ਨੂੰ ਸਿਨੇਮਾ ਲਈ ਲਿਖੀ ਇਕ ਕਿਤਾਬ ਲਈ 2005 ਵਿਚ ਕੌਮੀ ਸਨਮਾਨ ਮਿਲ ਚੁੱਕਾ ਹੈ। 

ਫ਼ਿਲਮ ‘ਪੀਐੱਮ ਨਰਿੰਦਰ ਮੋਦੀ’ ਦੀ ਰਿਲੀਜ਼ ਟਲੀ

ਮੁੰਬਈ,4 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਜੀਵਨ ਉੱਤੇ ਅਧਾਰਿਤ ਫ਼ਿਲਮ ‘ਪੀਐੱਮ ਨਰਿੰਦਰ ਮੋਦੀ’ ਦੀ ਰਿਲੀਜ਼ ਹਾਲ ਦੀ ਘੜੀ ਅੱਗੇ ਪਾ ਦਿੱਤੀ ਗਈ ਹੈ। ਇਹ ਜਾਣਕਾਰੀ ਫ਼ਿਲਮ ਦੇ ਪ੍ਰੋਡਿਊਸਰ ਸੰਦੀਪ ਸਿੰਘ ਨੇ ਦਿੱਤੀ। ਦੱਸਣਯੋਗ ਹੈ ਕਿ ਇਹ ਫ਼ਿਲਮ ਭਲਕੇ ਸਿਨਮਾ ਘਰਾਂ ਵਿਚ ਰਿਲੀਜ਼ ਹੋਣੀ ਸੀ। ਸੈਂਟਰਲ ਬੋਰਡ ਆਫ਼ ਫ਼ਿਲਮ ਸਰਟੀਫਿਕੇਸ਼ਨ ਦੇ ਸੂਤਰਾਂ ਮੁਤਾਬਕ ਫ਼ਿਲਮ ਨੂੰ ਅਜੇ ਕਲੀਅਰੈਂਸ ਮਿਲਣੀ ਹੈ। ਇਹ ਫ਼ਿਲਮ ਪਹਿਲਾਂ

ਅਜੈ ਦੇਵਗਨ ਨੇ ਆਲੋਕ ਨਾਥ ਖ਼ਿਲਾਫ਼ ‘ਮੀ ਟੂ’ ਮਾਮਲੇ ’ਚ ਟਿੱਪਣੀ ਤੋਂ ਟਾਲਾ ਵੱਟਿਆ

ਮੁੰਬਈ,2 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਅਦਾਕਾਰ ਅਜੈ ਦੇਵਗਨ ਨੇ ਆਪਣੀ ਆਉਣ ਵਾਲੀ ਫਿਲਮ ‘ਦੇ ਦੇ ਪਿਆਰ ਦੇ’ ਵਿਚਲੇ ਸਹਿ-ਕਲਾਕਾਰ ਆਲੋਕ ਨਾਥ ਖ਼ਿਲਾਫ਼ ‘ਮੀ ਟੂ’ ਮੁਹਿੰਮ ਦੌਰਾਨ ਲੱਗੇ ਬਲਾਤਕਾਰ ਦੇ ਦੋਸ਼ਾਂ ਬਾਰੇ ਕੋਈ ਵੀ ਟਿੱਪਣੀ ਕਰਨ ਤੋਂ ਇਨਕਾਰ ਕੀਤਾ ਹੈ। ਦੱਸਣਯੋਗ ਹੈ ਕਿ ਲੇਖਿਕਾ ਵਿੰਤਾ ਨੰਦਾ ਨੇ ਪਿਛਲੇ ਵਰ੍ਹੇ ਆਲੋਕ ਨਾਥ ਖ਼ਿਲਾਫ਼ ਬਲਤਾਕਾਰ ਦੇ ਦੋਸ਼ ਲਾਏ ਸਨ। ਫਿਲਮ ‘ਦੇ ਦੇ ਪਿਆਰ ਦੇ’ ਦੇ ਟਰੇਲਰ ਲਾਂਚ ਮੌਕੇ ਨਿਰਮਾਤਾ ਲਵ ਰੰਜਨ ਨੂੰ ਆਲੋਕ ਨਾਥ ਮਾਮਲੇ ਬਾਰੇ ਪੁੱਛਿਆ ਗਿਆ ਤਾਂ ਅਜੈ ਦੇਵਗਨ ਨੇ ਵਿਚੋਂ ਟੋਕਦਿਆਂ ਕਿਹਾ, ‘‘ਇਸ ਮੁੱਦੇ ਬਾਰੇ ਗੱਲ ਕਰਨ ਲਈ ਇਹ ਸਹੀ ਥਾਂ ਨਹੀਂ ਹੈ ਅਤੇ ਤੁਸੀਂ ਜਿਸ ਮੁੱਦੇ ਦੀ ਗੱਲ ਕਰ ਰਹੇ ਹੋ, ਫਿਲਮ ਦੀ ਸ਼ੂਟਿੰਗ ਉਸ ਤੋਂ ਪਹਿਲਾਂ ਪੂਰੀ ਹੋ ਗਈ ਸੀ।’’

ਅਦਾਕਾਰੀ ਤੇ ਨਿਰਦੇਸ਼ਨ ਦੋਵੇਂ ਪਸੰਦ ਹਨ: ਨੰਦਿਤਾ ਦਾਸ

ਮੁੰਬਈ,2 ਅਪ੍ਰੈਲ (ਪੰਜਾਬੀ ਟਾਈਮਜ਼ ਬਿਊਰੋ ) : ਨੰਦਿਤਾ ਦਾਸ ਦਾ ਕਹਿਣਾ ਹੈ ਕਿ ਉਸਨੂੰ ਅਦਾਕਾਰੀ ਤੇ ਨਿਰਦੇਸ਼ਨ ਦੋਵੇਂ ਕੰਮ ਚੰਗੇ ਲੱਗਦੇ ਹਨ ਪਰ ਕੈਮਰੇ ਪਿੱਛੇ ਰਹਿ ਕੇ ਕੰਮ ਕਰਨ ਨਾਲ ਉਸਨੂੰ ਸਿਰਜਣਾਤਮਕ ਪੱਧਰ ਉੱਤੇ ਵੱਧ ਸੰਤੁਸ਼ਟੀ ਮਿਲਦੀ ਹੈ। ਉਸ ਦਾ ਕਹਿਣਾ ਹੈ ਕਿ ਨਿਰਦੇਸ਼ਨ ਦਾ ਖੇਤਰ ਉਸਨੂੰ ਸਮਾਜਿਕ-ਰਾਜਸੀ ਮੁੱਦਿਆਂ ’ਤੇ ਆਪਣੀ ਗੱਲ ਕਹਿਣ ਦਾ ਮੌਕਾ ਦਿੰਦਾ ਹੈ। ਉਸ ਨੇ ਕਿਹਾ,‘ਅਦਾਕਾਰੀ ਨਾਲੋਂ ਨਿਰਦੇਸ਼ਨ ਕਿਤੇ ਵੱਧ ਸਮਾਂ ਖਪਾਉਣ ਵਾਲਾ ਤੇ ਚੁਣੌਤੀਪੂਰਨ ਕਾਰਜ ਹੈ।

ਵੇਸਵਾਵਾਂ ਦੇ ਹੱਕ ’ਚ ਨਿੱਤਰੀ ਰੇਣੂਕਾ ਸ਼ਹਾਨੇ

ਮੁੰਬਈ,26 ਮਾਰਚ (ਪੰਜਾਬੀ ਟਾਈਮਜ਼ ਬਿਊਰੋ ) : ਅਦਾਕਾਰਾ ਸੁਚਿੱਤਰਾ ਕ੍ਰਿਸ਼ਨਾਮੂਰਤੀ ਨੇ ਜਿੱਥੇ ਇਕ ਟਵੀਟ ਕਰਕੇ ਵੇਸਵਾਵਾਂ ਤੇ ਅਪਰਾਧੀਆਂ ਨੂੰ ਇਕ ਦੂਜੇ ਨਾਲ ਮੇਲਣ ਦਾ ਯਤਨ ਕੀਤਾ ਹੈ, ਉਥੇ ਅਦਾਕਾਰਾ ਰੇਣੂਕਾ ਸ਼ਹਾਨੇ ਨੇ ਉਨ੍ਹਾਂ (ਵੇਸਵਾਵਾਂ) ਨਾਲ ਹੁੰਦੇ ਅਨਿਆਂ ਖ਼ਿਲਾਫ਼ ਆਵਾਜ਼ ਬੁਲੰਦ ਕੀਤੀ ਹੈ। ਰੇਣੂਕਾ ਨੇ ਕਿਹਾ ਕਿ ਅੱਜ ਲੋੜ ਹੈ ਕਿ ਵੇਸਵਾਵਾਂ ’ਤੇ ਥੋਪੀਆਂ ਰਵਾਇਤਾਂ ਨੂੰ ਦਰੁਸਤ ਕਰਕੇ ਉਨ੍ਹਾਂ ਨਾਲ ਹੁੰਦੇ ਅਨਿਆਂ ਨੂੰ ਰੋਕਿਆ ਜਾਵੇ। ਸੁਚਿੱਤਰਾ ਨੇ ਟਵੀਟ ਕਰਦਿਆਂ ਕਿਹਾ,

ਕਿਰਦਾਰਾਂ ਨੂੰ ਸਹੀ ਰੌਸ਼ਨੀ ’ਚ ਪੇਸ਼ ਕਰਨ ਦੀ ਜ਼ਿੰਮੇਵਾਰੀ ਸਿਰਫ਼ ਔਰਤਾਂ ਦੀ ਨਹੀਂ: ਕੌਸਰ ਮੁਨੀਰ

ਮੁੰਬਈ,26 ਮਾਰਚ (ਪੰਜਾਬੀ ਟਾਈਮਜ਼ ਬਿਊਰੋ ) : ਗੀਤਕਾਰ ਤੇ ਪਟਕਥਾ ਲੇਖਕ ਕੌਸਰ ਮੁਨੀਰ ਨੇ ਫਿਲਮਸਾਜ਼ ਕਬੀਰ ਖ਼ਾਨ ਨਾਲ ਮਿਲ ਕੇ ਡਾਕਿਊ-ਡਰਾਮਾ ‘ਰੋਅਰ ਆਫ਼ ਦਿ ਲਾਇਨ’ (ਸ਼ੇਰ ਦੀ ਦਹਾੜ) ਦੀ ਕਹਾਣੀ ਲਿਖੀ ਹੈ। ਮੁਨੀਰ ਮੰਨਦੀ ਹੈ ਕਿ ਹਰੇਕ ਕਿਰਦਾਰ ਨੂੰ ਸਹੀ ਤਰੀਕੇ ਨਾਲ ਅੱਗੇ ਰੱਖਣ ਦੀ ਜ਼ਿੰਮੇਵਾਰੀ ਸਿਰਫ਼ ਮਹਿਲਾਵਾਂ ਦੀ ਨਹੀਂ ਹੈ। ਮਹਿਲਾ ਲੇਖਕ ਹੋਣ ਦੇ ਨਾਤੇ ਔਰਤਾਂ ਨੂੰ ਅਗਾਂਹਵਧੂ ਤਰੀਕੇ ਨਾਲ ਪੇਸ਼ ਕਰਨ ਦੀ ਕੋਈ ਵਧੇਰੇ ਜ਼ਿੰਮੇਵਾਰੀ ਹੋਣ ਬਾਰੇ ਪੁੱਛੇ ਜਾਣ ’ਤੇ ਕੌਸਰ ਨੇ ਕਿਹਾ, ‘ਮੈਨੂੰ ਲਗਦਾ ਹੈ ਕਿ ਇਕ ਲੇਖਕ ਵਜੋਂ ਮੇਰੀ

ਮਿਊਜ਼ਿਕ ਵੀਡੀਓ ’ਚ ਨਜ਼ਰ ਆਏਗਾ ਪ੍ਰਤੀਕ ਬੱਬਰ

ਮੁੰਬਈ,26 ਮਾਰਚ (ਪੰਜਾਬੀ ਟਾਈਮਜ਼ ਬਿਊਰੋ ) : ਅਦਾਕਾਰ ਪ੍ਰਤੀਕ ਬੱਬਰ ਜਲਦੀ ਹੀ ਸ਼ਾਹ ਰੂਲ ਦੇ ਮਿਊਜ਼ਿਕ ਵੀਡੀਓ ‘ਮੂਵ ਬੈਕ’ ਵਿੱਚ ਨਜ਼ਰ ਆਏਗਾ। ਇਸ ਵੀਡੀਓ ਨੂੰ ਪ੍ਰਤੀਕ ਦੀ ਫ਼ਿਲਮਸਾਜ਼ ਪਤਨੀ ਸਾਨਿਆ ਸਾਗਰ ਨੇ ਡਾਇਰੈਕਟ ਕੀਤਾ ਹੈ। ਇਹ ਗੀਤ ਮੁੰਬਈ ਅਧਾਰਿਤ ਅੰਗਰੇਜ਼ੀ ਹਿੰਦੀ ਰੈਪਰ ਸ਼ਾਹ ਰੂਲ ਨੇ ਕੈਨੇਡੀਅਨ ਹਿਪ ਹੌਪ ਆਰਟਿਸਟ ਮਿਲੀ ਸੋਚ ਨਾਲ ਮਿਲ ਕੇ ਗਾਇਆ ਹੈ। ਸ਼ਾਹ ਰੂਲ ਹਾਲੀਆ ਰਿਲੀਜ਼ ਫ਼ਿਲਮ ‘ਗਲੀ ਬੁਆਇ’ ਵਿੱਚ ਨਜ਼ਰ ਆਇਆ ਸੀ। 

 
 

ਨਵੀਂ ਦਿੱਲੀ, ਭਾਰਤ

ਬਰਲਿਨ, ਜਰਮਨੀ

ਵੀਡੀਓ ਗੈਲਰੀ
ਜਨਮ ਦਿਨ
 
 
 
ਅਹਿਮ ਸੂਚਨਾ
ਪੰਜਾਬੀ ਟਾਈਮਜ ਵਿਚ ਪ੍ਰਕਾਸ਼ਿਤ ਖਬਰਾਂ ਤੇ ਫੋਟੋ ਸਬੰਧੀ ਸਾਰੇ ਅਧਿਕਾਰ ਅਦਾਰੇ ਪਾਸ ਰਾਖਵੇ ਹਨ| ਇਸ ਵਿਚੋਂ ਕੋਈ ਵੀ ਖਬਰ ਅਤੇ ਫੋਟੋ ਲੈਣ ਤੋਂ ਪਹਿਲਾਂ ਅਦਾਰੇ ਦੀ ਮੰਜੂਰੀ ਲੈਣਾ ਲਾਜਮੀ ਹੈ| ਅਜਿਹਾ ਨਾ ਕਰਨ ਵਾਲੇ ਖਿਲਾਫ਼ ਕਾਰਵਾਈ ਕੀਤੀ ਜਾਵੇਗੀ|
ਮੁਖ ਸੰਪਾਦਕ, ਪੰਜਾਬੀ ਟਾਇਮਸ
Notice
Readers are recommended to make appropriate enquires and seek appropriate advice before sending money, incurring any expense, acting on medical recommendations or entering into any commitment in related to any advertisement published in this site . Panjabitimes.com website doesn't vouch for any claims made by the advertisers of product and services. We do not take any responsibility regarding advertisement. Panjabitimes.com website shall not be held liable for any consequences; in the event such claims are note honoured by the advertisers.
Chief Editor, Panjabi Times
Visitor's Counter :   0074535290
Copyright © 2019, Panjabi Times. All rights reserved. Website Designed by Mozart Infotech